Lukasa Pormonnem Bori Khobor 3:1-38
3 Tiberius Somrazachea* razvottkechea pondravea vorsa, Pontius Pilat Judeiacho razpal aslo, Herod* Galili jilʼleacho odhikari aslo, Filip tacho bhav Itureia ani Trakonitis jilʼleacho odhikari aslo, ani Lizanias Abilene jilʼleacho odhikari aslo,
2 Anas ek mukhel iadnik ani Kaifas mha-iadnik aslo, tanchea kallar Zakariasacho put Juanvak oronnʼnneant* Deva koddlean ek sondex ailo.
3 Tor Juanv Jordan nhoim-chea bhonvtonnchea soglea vattaramnim gelo, ani lokamnim bautizm gheuncho mhunn porgott korunk laglo. Ho bautizm, tannim poschatap* kela ani tankam bhogsonnem zai mhunn dakhounk ek khunna asli.
4 Hem soglem Izaias provadeachea pustokant boroilʼlem toxench zalem: “Oronnʼnneant ek mottʼtto avaz aikonk ieta: ‘Jehova* pasot vatt toiar korat! Tacho rosto nitt korat.
5 Dor ek vhall voir thaun bhoron ieunk zai, ani dor ek dongor ani porvot ek sarko zaunk zai; vankddeo-tinkddeo asloleo vatto nitt zaunk zai, ani fatrancheo vatto sullsullit zaunk zai;
6 ani Dev koso taronn* dita tem soglea lokank dison ietolem.’”
7 Aplea lagim bautizm gheunk ietat tea lokank Juanv oxem mhunnttalo: “Vikari sorpanchea pileamno, ieuncho asa tea krodha thaun pollon vochonk konnem tumkam xittkailam?
8 Tumi poschatap kela mhunn tumchea kamamnim dakhoiat. ‘Abraham amcho bapui,’ oxem tumkanch mhunnonakat. Karonn hanv tumkam sangtam, Dev hea fatram thaun Abrahama pasot bhurgim zolmak haddunk xokta.
9 Khorench, zhaddanchea mulla lagim tor kuradd poilinch dovorloli asa. Borem foll dina tem dor ek zhadd katrun ujeant uddoitole.”
10 Tednam lok taka vichartale: “Tor ami kitem korunk zai?”
11 To tankam mhunnttalo: “Jea munxa lagim don kopdde asat tannem tantuntlo ek oslea munxak diuncho zachea lagim kainch na, ani zachea lagim khaunk zaiteo vostu asat tannem oxench korchem.”
12 Tax vosul korpi pasun Juanva lagim bautizm gheunk aile, tannim taka vicharlem: “Guruji, ami kitem korunk zai?”
13 Tannem mhunnttlem: “Jitlem tax kaidean gheunk zai* tachea poros chodd gheum nakat.”
14 Foujent asloleamnim Juanvak vicharlem: “Ami kitem korunk zai?” Tannem mhunnttlem: “Konnankuch sotainakat* vo konnancheruch khotto arop ghalinakat, punn tumkam zo dispottʼtto* melltta tantunuch dhadoxi ravat.”
15 Atam lok Krist ieupacho asa mhunn vatt polloit asle ani soglim monantlea-monant Juanva vixim oxem chintʼtalim, “Hoch Krist nhoi nhu?”
16 Juanvan tankam sogleank mhunnttlem: “Hanv tumkam udkant bautizm ditam, punn mhojea uprant ieuncho asa to mhojea poros anik chodd xoktivont asa, hanv tor tachim zotim kaddunk pasun purto na. To tumkam povitr xokten ani ujean bautizm ditolo.*
17 Tachea hatant dannea thaun tonn vegllem korunk dantanchem khorem asa. To aplem akʼkhem kholl* nitoll kortolo ani gonv ektthaim korun aplea gudanvant dovortolo, punn tem tonn palvona toslea ujeant lastolo.”
18 Juanvan lokank anikui zaitem xikoilem ani tankam bori khobor porgottit ravlo.
19 Punn jilʼleacho odhikari Herodak tannem, tachea bhavachea bailek Herodiasak apli bail korun ghetlea mhunn ani tachea dusrea soglea vaitt kamank lagon xittkailo
20 tednam Herodan taka bondkhonnint ghatlo. Oxe toren aplea vaitt kamant tannem anik ek kam vaddoilem.
21 Sogle lok bautizm ghetale tednam Jezunui bautizm ghetlo. Ani magnnem kortana mollob uktem zalem,
22 tea vellar Devachi povitr xokti parvea bhaxen tacher denvon ietana disli, ani sorgar thaun oso avaz aikonk ailo: “Tum mhozo opurbaiecho Put; tum mhaka manvola.”
23 Jezun apli seva suru keli tednam to sumar 30 vorsancho aslo, lok somzotale toxe to,Juzecho put aslo,Juze Helicho put aslo,
24 Heli Mathatacho,Mathat Levicho,Levi Melkicho,Melki Janaiacho, aniJanai Juzecho put aslo.
25 Juze Matathiasacho,Matathias Amosacho,Amos Nahumacho,Nahum Eslicho, aniEsli Nagaiacho put aslo.
26 Nagai Mathacho,Math Matathiasacho,Matathias Semeinacho,Semein Josekacho, aniJosek Jodacho put aslo.
27 Joda Joananacho,Joanan Resacho,Resa Zerubabelacho,Zerubabel Shealtielacho, aniShealtiel Nericho put aslo.
28 Neri Melkicho,Melki Addicho,Addi Kosamacho,Kosam Elmadamacho, aniElmadam Eracho put aslo.
29 Er Jezucho,Jezu Eliezeracho,Eliezer Jorimacho,Jorim Mathatacho, aniMathat Levicho put aslo.
30 Levi Simeanvacho,Simeanv Judasacho,Judas Juzecho,Juze Jonamacho, aniJonam Eliakimacho put aslo.
31 Eliakim Meleiacho,Meleia Menacho,Mena Matathacho,Matatha Nathanacho, aniNathan Davidacho put aslo.
32 David Jesecho,Jese Obedacho,Obed Boazacho,Boaz Salmonacho, aniSalmon Nashonacho put aslo.
33 Nashon Aminadabacho,Aminadab Arnicho,Arni Hezronacho,Hezron Perezacho, aniPerez Judacho put aslo.
34 Juda Jakobacho,Jakob Izakacho,Izak Abrahamacho,Abraham Teracho, aniTera Nahoracho put aslo.
35 Nahor Serugacho,Serug Reuacho,Reu Pelegacho,Peleg Eberacho, aniEber Shelacho put aslo.
36 Shela Kainanacho,Kainan Arfaxadacho,Arfaxad Shemacho,Shem Noah-cho, aniNoah Lamekacho put aslo.
37 Lamek Methuselacho,Methusela Enokacho,Enok Jaredacho,Jared Mahalalelacho, aniMahalalel Kainanacho put aslo.
38 Kainan Enosacho,Enos Sethacho,Seth Adanvacho, aniAdanv Devacho put aslo.
Footnotes
^ Grik bhaxent Cae′sar.
^ Hem utor choddxe pavtt eka oslea zageak uzar kelam zoim chodd lok ravonant, kainch roinant ani thoim chodd zhaddam ani udokui asona.
^ Hacho orth, eklean aplem chintop sarkem korop.
^ Vo “konnam udexim taronn.”
^ Vo “ektthaim korunk zai.”
^ Vo “luttunakat.”
^ Vo “pagar.”
^ Mhunnche, tumkam povitr xokten makhtolo ani tumcho ujean nas kortolo.
^ Xet mollpacho zago.
