Sonvsarbhor zaite lok, nas kortat toslea buddttencho fuddo kortat. Hea vixim thodde ripott polloiat:

•   “Gelʼlea thoddea disamnim China-che rajdhanint 140 vorsam uprant, sogleam-von chodd paus poddlo . . . Sonvar tem Budvar meren 744.8 millimetr (29.3 inch) paus poddlo.”—AP News, Agost 2, 2023.

•   “Aiz Brestar, Japan-achea dokxinnek typhoon Khanun ieun don dis zale. Bhorpur paus poddtta ani zhonnzonnit varem marta ani hea pasot dog zannancho jiv gela . . . Vadollak lagon central Taiwan-achea dongri vattarant 0.6 metr (2 feet) paus poddttolo mhunn sanglam.”—Deutsche Welle, Agost 3, 2023.

•   “50 vorsamnim Atlantic-achea deger aslolea Canada-nt ekdom ghogeamnim paus zhoddcho aslo. Ani hea pausak lagon Sonvar-Aitara [Nova Scotia] buddtti aili.”—BBC News, Julay 24, 2023.

 Oslea ghoddnneam vixim Bible kitem sangta?

 Ami jietat to kall ‘nimanne dis’ mhunn Bible-ant sanglam. (2 Timotak 3:1) Amchea kallar ami “bhirankull ghoddnneo” polloitolim mhunn Jezun bhasaunni kelʼli. (Lukas 21:11) Heo bhirankull ghoddnneo ghoddonk vatavoronnant zalʼlo bodol mukhel karonn zaun asa. Taka lagon, heo ghoddnneo khoinchea-i vellar ghoddttat, anikui vaddot asat, ani chodd nisonntton haddttat.

 Bible-ant sanglam ki hea prithumer ghoddttat tea bhirankull ghoddnneam vorvim amkam bhorvonso melltta. Kiteak? Karonn Jezun mhunnttlolem: “Heo vostu ghoddttat tem tumi polloitat tednam Devachem Raj laginch asa mhunn zannam zaiat.”—Lukas 21:31; Matev 24:3.

 Heo ghoddnneo dakhoun ditat ki Devachem Raj prithumer zata tem soglem beginuch sarkem kortolem, zoxi udkachi manddavoll.—Job 36:27, 28; Stotr 107:29.

 Devachem Raj hea prithumechem vatavoronn koxem sarkem kortolem tea vixim anik zannam zaunk, “Who Will Save the Earth?” ho lekh vachat.