2022 Febrer 24 tarker, sokallim fuddem Russia-n apli fouz gheun Ukraine-acher akromonn kelem. Sonvsarachea zaitea desantlea fuddareamnim hem zhuz addaunk zaite proitn kele, punn tanchea lagim hem zaunk na. Hea zhuzak lagon sonvsaracher kitem porinnam zaunk xokta? United Nations-acho secretary-general António Guterres, hannem thoddea disam poilim sanglem: “Hea zhuzak lagon Europe-antlea desamnim ani toxench akʼkhea sonvsaran aslolea lokank kitle tras sosunk poddttole ani luksonn zatolem, toxench desanchea surokxotaiecher kitlo porinnam poddttolo tem ami chintunk pasun xokonant.”

•   Jezun adinch sanglolem, “raxttr raxttracher ani raj rajeacher uprastolim.” (Matev 24:7) Aiz zhuzam zatat tednam Jezuchim utram koxi khorim zatat tem zannam zaunk “What Is the Sign of ‘the Last Days,’ or ‘End Times’?” he lekh vachat.

•   Bible-antlea prokasovnni pustokant zhuzank oxea eka ghoddesvarak sor kela zo ‘tambddea ghoddeacher’ boslolo asa ani sonvsarantle “xanticho nas” korta. (Prokasovnni 6:4) Hi bhasaunni aiz koxi purnn zata tem zannam zaunk “The Four Horsemen—Who Are They?” ho lekh vachat.

•   ‘Utʼtorechea’ ani ‘dokxinnechea raza’ modem dusmankai astoli mhunn Daniel pustokant adinch boroun dovorlolem. (Daniel 11:25-45) Russia ani tachea sangateank utʼtorecho raza kiteak mhunnttla tem zannam zaunk Purnn Zalʼleo Bhasaunneo—Daniel Odheai 11 ho video polloiat. a

•   Toxench, Prokasovnni pustok ‘Sorpodvedar Devachea Vhoddlea Disachea zhuza’ vixim sangta. (Prokasovnni 16:14, 16) Punn hem zhuz, aiz raxttram modem zata tem zhuz nhoi. Bible-ant sanglam tea zhuza vixim anik zannam zaunk “What Is the Battle of Armageddon?” ho lekh vachat.

•   Bible sangta, Dev ‘akʼkhe prithumer zhuzam sompoitolo.’ (Stotr 46:9) Devan fuddara vixim kelʼli bhasaunni zannam zaunk “A Real Hope for a Better Tomorrow” ho lekh vachat.

•   Jezun Devachem Raj ieum mhunn aplea xisank magnnem korunk xikoilem. (Matev 6:9, 10) Devachem Raj mhunnttlear sorgincho ek sorkar zaun asa, jea vorvim Dev prithume pasot aplo udʼdhex purnn kortolo ani akʼkhea sonvsaracher xanti haddttolo. Hea Rajea vorvim tumkam koslim besanvam mellttolim tem zannam zaunk Devachem Raj Mhunnttlear Kitem? ho video polloiat.

 Ukraine-ant 1,29,000-am poros chodd Jehovachim Sakxi asat. Him Sakxi sonvsarantlea dusrea Sakxeam bhaxen Jezuchi dekh gheun rajkaronnant konnachich bazu ghenant ani toxench zhuzant-ui bhag ghenant. (Juanv 18:36) Sonvsarbhor, Jehovachim Sakxi Devachea Rajeachi bori khobor porgott kortat. Tim sangtat, ki fokot Devachem Raj munxanche sogle tras, zoxem zhuzam, kaddun uddoitolem. (Matev 24:14) Bible amkam fuddara vixim kitem bhorvonso dita tem zannam zaunk tumi amkam sompork korunk zata.