Sukrar, 24 Febrer, 2023 hea vorsa, Ukraine-ant zhuz chalu zaun ek voros zalem. Thoddea ripotta pormonnem, sumar 3,00,000 Ukraine-antle ani Russia-ntle soinik meleat vo zokhmi zaleat. Toxench, hea zhuzant sumar 30,000 lok pasun meleat. Punn hachea poros choddui asonk xoktat.

 Dukhachem mhunnttlear, hem zhuz rokddench sompchem na oxem dista.

•   “Russia-antlea soinikamnim Ukraine-acher akromonn kelear sumar ek voros zalem. Ani oxem dison ieta ki hem zhuz rokddench sompchem na. Hem zhuz konn jikhtolo tem-ui sarkem khobor na. Donui desanchea ulovpantlean tanchem modem asloleo somosia suttaveo zatoleo oxem-i disona.”—NPR (National Public Radio), 19 Febrer, 2023.

 Sonvsarbhor zhuzak lagon, zaitea lokank dukh ani tras sosche poddttat. Hea vixim Bible koslo bhorvonso dita? Zhuz kednam tori somptolem kai?

 Bible jea zhuza vixim sangta tem munxakullacho nas korchem na, punn tancho samball kortolem. Tem zhuz mhunnttlear Armageddon. Bible-ant hea zhuzak ‘Devachea vhoddlea disachem zhuz’ mhunnttlam. (Prokasovnni 16:14, 16) Hea zhuza udexim, Dev munxachea sorkarancho nas kortolo zannim sonvsarant zhuz korun soglem nas kelam. Armageddon sonvsaracher koxem xanti haddttolem hea vixim anik zannam zaunk, sokol dilʼle lekh vachat:

•   What Is the Battle of Armageddon?”

•   “Armageddon Is Good News!”