ODHEAI 01
Bible Xiklolean Tumkam Koxi Modot Zatoli?
Amkam sogleank jivitant koslo-na-koslo usko astach. Tea bhair, amchea monant zaite prosn asonk puro. Zoxe, hea sonvsarant itlem dukh-tras kiteak asa? Amchim mogachim kiteak mortat? Kuttumbant oddchonneo ietat tednam tancho fuddo koso korcho? Hea mhargaient ghor koxem cholounchem? Zaitea lokank oslea gorjechea prosnanche zobab Bible-ant mellʼlleat. Titlench nhoi, dispottʼttea jivita pasot tankam bore solʼle pasun mellʼlleat. Tor, Bible xiklear amkam modot zatoli.
1. Bible-ant koslea prosnanche zobab dilʼle asat?
Bible khub mhotvachea prosnanche zobab dita. Zoxem, munxank khorench Devan rochlim kai? Amchea jivitant itle tras kiteak asat? Borea lokank vaitt kiteak ghoddtta? Ek munis melea uprant tachem kitem zata? Soglo lok xantin jieunk sodhta zalear, zhogddim ani zhuzam kiteak zatat? Hea prithumecho nas zatolo kai? Bible amkam oslea prosnanche zobab dita, je zannam zaun zaitea lokank monachi xanti mellʼllea.
2. Bible-acho obheas kelʼlean amkam koso faido zata?
Devan amkam Bible-ant zaite bore solʼle dilʼle asat. Udharonnak, amcho kuttumb koso khuxal zaunk xokta? Amkam usko zata tednam ami kitem korunk zai? Amchea kamachea zagear amkam oddchonneo astat tednam ami kitem korunk zata? Hea, ani dusrea vixoi-ancher Bible-ant amkam bore solʼle mellttat. Ami sangata mellon tea vixim xikonk zata. Tednam, “soglem Devachem Utor [mhunnttlear Bible-ant boroilolem asa tem soglem] . . . faideachem asa” mhunn tumi manun gheunk pavtolim.—2 Timotak 3:16.
Hem prokaxon Bible-achea bodlek uzar korunk nhoi, punn Bible bore toren somzonk toiar kelam. Tor hea prokaxonatlim soglim Bible versam vachun, tumi xiktat tachea sangata sor korunk ami tumkam urba ditat. Hea udexim tumi Bible-antlench xiktat mhunn tumkam khatri zatoli.
KHOLAIEN XIKAT
Bible xikon lokank koxi modot zali, Bible vachpant sontos koso melloun gheunk zata ani Bible-ant kitem asa tem zannam zaunk dusreanchi modot ghevop kiteak gorjechem tea vixim anik zannam zaiat.
3. Bible amkam sarki vatt dakhoita
Bible eka divea sarko vo torch-a sarko zaun asa zo amkam uzvadd dita. Tor Bible-achea adaran ami khoinchea vatten cholonk zai tem ami pollounk xoktolim ani bore nirnnoi gheunk pavtolim. Toxench, fuddara pasot kitem bhasailam tem pasun ami zannam zaunk pavtolim.
Stotr 119:105 vachun hea prosnanche zobab zannam zaum-ia:
-
Hem Stotr boroilam tannem Bible khoinche vostuk sor kelo?
-
Bible tumkam modot korunk xokta oxem tumkam dista kai?
4. Bible-ant amchea prosnanche zobab mellttat
Doris-achea monant khub vorsam thaun thodde prosn asle. Bible xikon tika tichea soglea prosnanche zobab mellʼlle. VIDEO polloun sokol dilʼlea prosnanche zobab zannam zaum-ia.
-
Doris-achea monant kosle prosn asle?
-
Bible obheas kelolean tika koxi modot zali?
Bible amkam prosn vicharunk urba dita. Matev 7:7 vachun sokol dilʼlea prosnacho zobab zannam zaum-ia:
-
Tumchea monant kosle prosn asat, zanche zobab tumi Bible-a thaun zannam zaunk axetat?
5. Bible vachunk tumkam avoddttolem
Zaitea lokank Bible vachunk khub borem dista ani tantuntlean tankam khub faido zala. VIDEO polloun sokol dilʼlea prosnanche zobab zannam zaum-ia.
-
Hea video-nt dakhoilʼlea tornatteank vachunk koxem distalem?
-
Adim tankam vachunk avoddnaslem tem khorem, punn uprant tankam Bible vachunk kiteak avddonk laglem?
Bible-antlean amkam zaitem xikonk melltta. Tantuntlean amkam bhuzvonn ani bhorvonso melltta. Romkarank 15:4 vachun hea prosnacho zobab zannam zaum-ia:
-
Bible-antlean bhuzvonn ani bhorvonso koso mellonk xokta tem tumkam zannam zaunk zai?
6. Dusreanchi modot gheun tumi Bible anik bore toren somzonk zata
Thodde lok Bible vachtat ani tantunt kitem boroilam tem somzonk dusreanchi modot ghetat. Oxem kelʼlean tankam khub faido zata. Itihas 8:26-31 vachun hea prosnacho zobab zannam zaum-ia:
-
Bible-ant boroilʼlem asa tem ami bore toren koxem somzonk zata?—Vers 30 ani 31 polloiat.
Adlea kallar eka Ethiopiekaran Devachem Utor somzonk dusreachi modot ghetli. Aiz zaitea lokank Bible xikonk dusreanchi modot ghetlolean khub faido zala
THODDO LOK MHUNNTTA: “Devacho gutt Dev zannam.”
-
Tumi tankam kitem sangtolim? Ani kiteak?
KITEM XIKLIM
Bible-ant amkam khub mhotvachea prosnanche zobab mellttat. Tantunt dispottʼttea jivita pasot bore solʼle asat. Toxench, tantunt amkam bhuzvonn ani fuddara pasot bhorvonso melltta.
Porot Ugddas Korum-ia
-
Bible amkam kosle solʼle dita?
-
Bible-ant khoinchea prosnanche zobab dilʼle asat?
-
Tumi Bible-antlean kitem zannam zaunk sodhtat?
ANIK SODHAT
Bible-antle solʼle apnnailolean tumkam koso faido zatolo tem zannam zaiat.
“Bible-antle Xikounnecho Sodanch Faido Zata” (The Watchtower No. 1 2018)
Bhurgeaponnar thaun niraxi aslolea eka munxak Bible-antlean koxi modot mellʼlli tem polloiat.
Bible-ant famili pasot kosle solʼle dileat tem zannam zaiat.
Ho sonvsar Dev choloita mhunn thodde lok mantat. Hea vixim Bible kitem sangta tem polloiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
