ODHEAI 03
Dev Sangta Tacher Tumi Visvas Dovrunk Zata Kai?
Devan Bible-ant zaite bore solʼle dileat ani fuddara vixim bhasaunneo keleat. Bible-a vixim zannam zaunk tumkam khuxi asa zait. Punn, thoddim mhunnot ki hem ek adlem pustok, tor tantuntlo solʼlo aiz pasun faideak poddttolo kai? Fuddara vixim Bible sangta tem khorench purnn zatolem kai? Khorem mhunnttlear, Bible vachlolean lakʼkhamnim lokank modot zalea ani tantunt boroilam tem sot mhunn tankam khatri zalea. Tor ami Bible-acher kiteak visvas dovrunk zata tem polloum-ia.
1. Bible-ant asat teo ghoddnneo khorench ghoddloleo kai?
Bible-ant “sotachim utram” boroilʼlim asat. (Upodexok 12:10) Bible-ant sangloleo ghoddnneo khorench ghoddloleo ani tantunt jea lokam vixim sanglam te khorench jielʼle. (Lukas 1:3; 3:1, 2 vachat.) Tantunt jeo mhotvacheo tarik dileat vo jea lokam vixim, zageam vixim ani ghoddnneam vixim sanglam tem khorem mhunn itihaskar ani sodh korpeamnim dakhoun dilam.
2. Bible-ant boroilam tem amkam aiz pasun faideak poddtta kai?
Bible-ant boroilam tem vidneana pormonnem pasun sarkem asa. Udharonnak, Bible amkam prithumechea akara vixim sangta. Heo vostu boroilʼleo tea kallar ani uprant pasun prithume vixim lokanchem chintop ekdom vegllem aslem. Punn vidneanikamnim sodh kelʼlea pormonnem Bible-ant boroilam tem sarkem mhunn kollon ailem. Khorench, Bible-ant boroilam tacher ami “sasnnachea sasnnak” visvas dovrunk zata.—Stotr 111:7, 8.
3. Bible fuddara vixim sangta tacher ami kiteak visvas dovrunk zata?
“Jem ozun ghoddonk na” punn fuddarak ghoddttolem tem Bible-ant poilinch boroilam. (Izaias 46:10) Tantunt thoddea ghoddnneam vixim adinch sanglolem ani teo tea pormonnem ghoddleat. Toxench, amchea disamnim jem ghoddtta tem pasun tantunt boroun dovorlolem. Tor hea odheai-ant, oslea thoddea ghoddnneam vixim ami obheas kortat tednam teo sanglolea pormonnem purnn zaleat tem polloun Bible-acher tumcho visvas ghott zatolo.
KHOLAIEN XIKAT
Bible-ant boroilʼlem asa tem vidneana pormonnem sarkem asa vo na tem zannam zaiat. Toxench, Bible-antleo thoddeo bhasaunneo koxeo purnn zaleo tacher-ui dhean diat.
4. Bible-ant boroilam tem vidneana pormonnem sarkem asa
Prithum kiteacher tori dovorloli asa mhunn adlea kalla voile lok mantale. VIDEO polloum-ia.
Sumar 3,500 vorsam adim Bible-ant kitem boroilʼlem tacher dhean diat. Job 26:7 vachun hea prosnacho zobab zannam zaum-ia:
-
“Kainch na thoim prithum umkallaun dovorta” Bible-antlea hea utrancher dhean divop kiteak gorjechem?
Suriak lagon doriantlem udok vaf zaun voir voita ani tachim kupam zatat. Tem udok paus zaun zomnir poddtta ani porot doriant voita. Hea vixim vidneanikamnim halinch, mhunnche sumar 200 vorsam adinch sodhun kaddlem. Punn hea vixim Bible-ant hozaramnim vorsam adim kitem sangon dovorlolem tem polloiat. Job 36:27, 28 vachun hea prosnanche zobab zannam zaum-ia:
-
Paus koso toiar zata tea vixim Bible-ant sanglam tem khorench ojapachem kiteak?
-
Him versam vachun Bible-acher tumcho visvas ghott zalo kai?
5. Bible-ant thoddea ghoddnnea vixim adinch sangon dovorlolem
Izaias 44:27–45:2 vachun hea prosnacho zobab zannam zaum-ia:
-
Babilonacho nas zaunchea 200 vorsam adim Bible-ant kitem bhasailolem?
539 K.X.A. a hea vorsa, Persiacho raza Sirus ani tachea soinikamnim Babilon xaracher zoit melloilem mhunn itihas dakhoita. Tea xarachea char-ui vatten Eufrates nodichem udok vhanvtalem, tor tem xar surokxit aslem. Sirusachea soinikamnim xarantlean voitalem tem nhoim-chem udok dusrea vatten soddlem. Oxem kelʼlean, udok unnem zaun tankam xarant bhitor soronk sompem zalem. Xarache darvontte ukte aslolean tannim zhuz korinastana Babilon xaracher zoit vhelem. Tea xarachem nisontton zalear 2,500 vorsam zaun gelim ani aiz pasun thoim konnuch ravona. Hea vixim Bible kitem sangta tacher dhean dium-ia.
Izaias 13:19, 20 vachun hea prosnacho zobab zannam zaum-ia:
-
Hi bhasaunni koxi purnn zali?
Nisontton zalʼlem Babilon Iraq-ant asa
6. Amchea disamnim kitem ghoddttolem tem Bible-ant adinch sanglolem
Ami “nimannea disamnim” jietat mhunn Bible-antlean kollon ieta. (2 Timotak 3:1) Amchea disam vixim Bible-ant kitem sanglolem tem polloiat:
Matev 24:6, 7 vachun hea prosnacho zobab zannam zaum-ia:
-
Bible-ant nimannea disam vixim kitem boroilʼlem asa?
2 Timotak 3:1-5 vachun hea prosnanche zobab zannam zaum-ia:
-
Nimannea disamnim lokancho sobhav koso astolo mhunn Bible-ant sanglam?
-
Aiz lokancho sobhav koso asa?
THODDO LOK MHUNNTTA: “Bible-ant fokot munxamnim boroiloleo kanneo asat.”
-
Khoinchea karonnak lagon tumi Bible-acher visvas dovrunk zata?
KITEM XIKLIM
Bible-ant itihas ani vidneana vixim sanglam tem soglem sarkem asa. Ani tantunt dilʼleo bhasaunneo pasun purnn zaleat. Tor hea soglea karonnak lagon ami Bible-acher visvas dovrunk zata.
Porot Ugddas Korum-ia
-
Bible-ant asat teo ghoddnneo khorench ghoddloleo kai?
-
Bible-ant boroilam tem vidneana pormonnem sarkem asa mhunn dakhounk udharonnam diat.
-
Fuddara vixim Bible-ant sanglam tem sarkem asa oxem tumkam dista? Kiteak?
ANIK SODHAT:
Bible-ant diloli khoinchi-i mahiti vidneana pormonnem chukichi asa kai?
“Bible Sangta tem Vidneana Pormonnem Sarkem Asa Kai?” (Web article)
Nimannea disam vixim sanglolem tem aiz ghoddtta kai?
“Aiz Purnn Zatat Teo 6 Bhasaunneo” (The Watchtower, May 1, 2011)
Bible-ant Grek somraza vixim bhasaunni kelʼli ti koxi purnn zali tem zannam zaiat.
Bible-antleo bhasaunneo zannam zalolean eka munxak Bible Devachem Utor mhunn koxem kollon ailem?
a K.X.A. mhunnche “Kristi Xoka Adim” vo Jezu Krist ieunchem adim ani K.X. mhunnche “Kristi Xok” vo Jezu Krist ailea uprant.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
