ODHEAI 06
Vixvant Soglem Apxinch Zalem Kai?
Bible sangta, “[Deva] sovem asa jivitachi zhor.” (Stotr 36:9) Tor Devan amkam jivit dilam mhunn tumi mantat kai? Thodde lok mhunnttat, ‘Dev na, hem soglem apxinch ailam.’ Tor, hem khorem zalear amchea jivitak kosloch udʼdhex na. Punn Jehova Devan hem soglem rochlam zalear amchea jivitak ek udʼdhex asonk zai. a Jivit koxem suru zalem ani hea vixim Bible-ant kitem sanglam tacher ami visvas dovrunk zata kai tem ami hea odheai-ant polloitolim.
1. Vixvachi survat koxi zali?
Bible sangta: “Orombak Devan sorg ani prithum rochlim.” (Utpoti 1:1) Vixvak survat asa mhunn aiz zaite vidneanik mantat. Tor, Devan ho vixv koso rochlo? Devan apli povitr xokti uzar korun ho vixv ani tantunt asa tem soglem rochlem.—Utpoti 1:2.
2. Devan hi prithum kiteak rochli?
Jehova Devan hi prithum karonn nastana rochunk na, punn “monxamnim thoim vosti korunk Tannem [prithum] akarlea.” (Izaias 45:18) Munis khuxalkaien hea prithumer jieunk xokta tea toren Devan hi prithum rochlea. (Izaias 40:28; 42:5 vachat.) Amchi prithum khas asa ani fokot prithumeruch munis jieunk xokta mhunn vidneanik sangtat.
3. Munxam zonvaram thaun koxim vegllim asat?
Jehova Devan prithum rochli ani tantunt tannem zhaddam ani zonvaram rochlim. Tea uprant, “Devan aplea sarkeacho monxak rochlo.” (Utpoti 1:27 vachat.) Punn munis kiteak khas zaun asa? Devan amkam aplea sarkeachim rochleant ani taka lagon amkam tachea sarke gunn asat, zoxe mog ani neai. Toxench, tannem amkam veg-veglleo bhaso xikpachi tank dilea, rochnnam ani sobit vostu polloun ani songit aikon khuxal zaunk dennem dilam. Ani fokot munxam Devachi bhokti korunk xoktat.
KHOLAIEN XIKAT
Devan soglem rochlam ani Bible-ant rochnne vixim sanglam tem sarkem mhunn ami kiteak patieunk zata tem zannam zaiat. Toxench, munxam bhitor je gunn asat tantuntlean ami Deva vixim kitem xikonk zata tem-ui polloiat.
4. Soglem Devan rochlam
Munis rochnnek polloun kosli-i vost toiar korta tednam taka vakhannʼnni melltta. Tor, zannem soglem rochlam taka vakhannʼnni favo na kai? VIDEO polloun sokol dilʼlea prosnacho zobab zannam zaum-ia.
-
Munxamnim rochnnek polloun kitem-kitem toiar kelam?
Ek ghor apxinch toiar zaina. Taka konn tori bandpi asta. Tor, prithumer ani vixvant asat teo sogleo vostu konnem rochleat? Hebrevank 3:4 vachun hea prosnanche zobab zannam zaum-ia:
-
Rochnnent tumkam kitem borem dista?
-
Vixvant ani prithumer asa tem soglem konnem tori rochlam mhunn tumi patietat? Kiteak?
Tumi zannant?
Tumi jw.org-acher vochon, “Hem Konnem Tori Rochlam Kai?” ani “Jivit Koxem Suru Zalam Hea Vixim Lokanchem Chintop” hea bhagant aslole video ani lekh pollounk zatat.
“Dor ek ghor konnem tori bandlam, punn sogleo vostu rochpi Dev zaun asa”
5. Bible-ant rochnne vixim sanglam tem khorem asa
Bible-antlea poilea pustokant mhunnche Utpoti-nt, prithumechi ani jivitachi survat koxi zali tem sanglam. Tor, tem khorem vo ti fokot ek kanni zaun asa? VIDEO polloun sokol dilʼlea prosnanche zobab zannam zaum-ia.
-
Hi prithum ani munxank rochunk fokot 24 voranche sov dis lagle mhunn Bible xikoita kai?
-
Bible-ant rochnne vixim sanglam tem khorem mhunn tumi patietat kai? Kiteak?
Utpoti 1:1 vachun hea prosnacho zobab zannam zaum-ia:
-
Vixvak survat asa mhunn vidneanik mhunnttat. Tor tanchim utram ani Bible-antlim utram ek-sarkim koxim asat?
Devan ek jiv rochlo ani tachea vorvim her sogle jiv toiar zale oxem thodde lok chintʼtat. Utpoti 1:21, 25, 27 vachun hea prosnacho zobab zannam zaum-ia:
-
Devan ek sado jiv rochlo, zo ek zonvar zaun sovkas-sovkas munis zalo oxem Bible xikoita kai vo Devan veg-vegllea jinsanche pranni rochle kai? b
6. Devache rochnne modem munis khas zaun asa
Munis zonvaram thaun khub vegllo asa. Utpoti 1:26 vachun hea prosnacho zobab zannam zaum-ia:
-
Devan amkam aplea sarkeachim rochleant mhunn Bible sangta. Heach pasot ami dusreank mog ani doia dakhounk xoktat. Tor, hantuntlean amkam Deva vixim kitem kollon ieta?
THODDO LOK MHUNNTTA: “Bible rochnne vixim jem sangta ti fokot ek kanni zaun asa.”
-
Tumkam kitem dista? Kiteak?
KITEM XIKLIM
Jehova Devan ho vixv ani sogle jiv rochleat.
Porot Ugddas Korum-ia
-
Ho vixv koso suru zalo mhunn Bible xikoita?
-
Devan ek sado jiv rochlo, zo ek zonvar zaun sovkas-sovkas munis zalo kai vo Devan veg-vegllea jinsanche pranni rochle kai?
-
Munis her pranniam thaun kiteak khas zaun asa?
ANIK SODHAT
Rochnna polloun ek Rochnnar asa mhunn ami koxem mhunnonk zata tem zannam zaiat.
Ek bapui aplea lhan bhurgeak Jehovan hem soglem rochlam mhunn koxem xikoita tem polloiat.
Bible-achi xikounn ani vikasvadachi xikounn heo donui xikounneo sarkeo asonk xoktat kai?
“Devan Vikasvada Udexim Veg-veglle Pranni Rochleat Kai?” (Web article)
Adlea kalla voilea zonvaranchea haddancho sodh korun vo vidneanikanchea sodha vorvim, Devan soglem rochlam vo apxinch toiar zalam tem zannam zaiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
