Tü Outkajawaakat eere Sotuin Waaʼin Outuin Jesús
Aaʼuriiroʼu 12 soʼu 2025
Oukajawaishii juyawai na aküjaliikana pütchi nüchiki Jehová süpüla sotuin naaʼin tü kaʼi outakalü oʼu Jesús. Naaʼinrüin tia süka nuluwataalain shia Jesús wanaa sümaa nümüin: «Ayataʼaya jaaʼinrüin tüü süpüla sotuinjachin taya jaaʼin» (Lucas 22:19).
Wounejaain pia sünain outkajawaakat tüü.
Süsakirawaika anain wayuu
¿Jeʼrainjatü sümaa tü outkajawaakat?
Eetaasü maʼaka saaʼin wanee oora.
¿Jalainjatü shia aainjünüin?
Püsakira wanee Aküjai pütchi eere kepiain pia.
¿Awalaajüinjana waya?
Nnojo.
¿Achuntuneerü nneerü sünain?
Nnojo.
¿Aküjünüsüche tü sukuwaʼipainjatkat waʼanaaya?
Nnojotsü aküjünüin jamüinjatü sukuwaʼipa waʼanaaya. Jülüjapejeʼe naaʼin na aküjaliikana pütchi nüchiki Jehová tü sümakat tü Bibliakat süchiki sukuwaʼipainjatka nasheʼin süpüla nnojoluinjatüin aʼalaajaain suluʼu nasheʼin (1 Timoteo 2:9). Nnojotsü choʼujaain kojutuinjatüin maʼin püsheʼin.
¿Kasa aainjünajatka sünain tü outkajawaakat?
Suʼttapa tü outkajawaakat eeʼirajünüsü wanee jayeechi otta oʼuraajüshi wanee wawala, müsia neʼe sukuwaʼipa sujutaapa. Sünain tia outkajawaakat, aküjünüsü wanee pütchi eere süküjünüin kojutuin maʼin naapajiraain nikii Jesús waaʼu otta eein süpüla anain wakuwaʼipa sutuma tü naaʼinrakat Maleiwa otta Jesús.
Pütüjaweere sooʼomüin, paashajeʼera tü pütchi kanüliakat «¿Jamüsü naataka tü naaʼinrakat na aküjaliikana pütchi nüchiki Jehová sünain tü Ekawaa Aipaʼajatkat nutuma chi Senyotkai suulia tü saaʼinrakat tü wane iküleesiakalüirua?».
¿Joujeerü saainjünüin tü wane Outkajawaakat eere Sotuin Waaʼin Outuin Jesús?
2025: aaʼuriiroʼu 12, saawanoʼuluinjatü tia.
2026: aaʼuriiroʼu 2, jueewoʼuluinjatü tia.
Eesüjaʼa kamalainjeerüle pümüin aashajeʼeraa tüü
TÜ OUTKAJAWAAKAT EERE SOTUIN WAAʼIN OUTUIN JESÚS
Puutkajaa wamaa süpüla sotuin waaʼin outuin Jesús
Wounejaain pia süpüla pürütkaain sünain tia outkajawaakat. Aküjüneerü wanee pütchi nüchiki Jesús otta jamüin aneetka pukuwaʼipa sutuma naapajiraain nikii Jesús.
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Jamüshi ouktaka Jesuu?
Eesüjaʼa paapüirüle nüchiki naapajiraain nikii Jesuu süpüla nülaʼajaainjatüin waainjala, ¿eesüche süpüla anain sukuwaʼipa wayuu süpüshuaʼa sutuma waneeshin neʼe chi aapajiraakai nikii?