¿Paapüirü süchiki Nuluwataainjachin Maleiwa?
Eeshii eekai namüin:
-
«Aa, taapüirü süchiki».
-
«Nnojotyülia taapüin süchiki».
-
«Nnojotsü tatüjaain aaʼu kasain wayuu tia».
¿Jamüsüjaʼa saaʼin pümüin?
TÜ SÜMAKAT TÜ BIBLIAKAT
«Nüikaleʼerüinjatü chi Maleiwa sirumatuʼujeʼewaikai sukuwaʼipa wanee aluwatawaa eeinjatka süpüla kaʼikat süpüshuaʼa» (Daniel 2:44, Traducción del Nuevo Mundo).
«Aapünüichipa wamüin wanee joʼuu; niainjachi aluwataaka» (Isaías 9:6).
¿JAMÜSÜ ANEETKA WAKUWAʼIPA WATÜJAALE SAAʼU TIA?
-
Shia süka aneerüin wakuwaʼipa nuluwataapena Maleiwa (Isaías 48:17, 18).
-
Shia süka nnojoleenain waya ayuulin. Talateerü waaʼin sutuma kepieenain waya suluʼu wanee mma anasü (Apocalipsis 21:3, 4, Traducción del Nuevo Mundo).
¿JAMÜSHII WANOUJÜINJANAKA SÜNAIN TÜ SÜMAKAT TÜ BIBLIAKAT?
Eesü piamasü kasa wanoujainjatka atuma tia:
-
Nüküjain Jesús tü kasa anasü eejeetkat nuluwataapena Maleiwa. Nikirajüin Jesús na wayuukana sünain nachuntüinjanain nümüin Maleiwa süpüla nuluwataain. Jee saainjünüinjatüin tü keeʼireekat naaʼin yaa mmapaʼa (Mateo 6:9, 10, Traducción del Nuevo Mundo). Sükajee tü naainjakat Jesús, niiʼiyataleʼeinña jamüinjatüin sukuwaʼipa wayuu nutuma Jehová süpüla anainjatüin shia.
Yaaiwaʼaya Jesús saaʼu tü mmakat, nikirüin wayuu müliaka aaʼin sutuma jamü, anasü nutuma wayuu eekai ayuulin, nüsoʼireʼerüin saaʼin wayuu outusü (Mateo 15:29-38; Juan 11:38-44). Naainjain tia süka niʼitaanüin süpüla Aluwatawaa nutuma Maleiwa. Anashaateerü sukuwaʼipa wayuu nuluwataapeena Jesús nutuma Maleiwa (Apocalipsis 11:15, Traducción del Nuevo Mundo).
-
Sutuma tü kasa mojusü alatakat maaʼulu. Nüküjatüjülia Jesús jouluinjatüin jamü, jouluinjatüin kasachiki jee sukutkujaainjatüin tü Mmakat. Alatajatü tia naashin Jesús süpülapünaa anainjatüin wayuu nuluwataapena Maleiwa (Mateo 24:3, 7).
Müliasia maʼin waaʼin maaʼulu sutuma tia. Müsüjeseʼe watüjaain saaʼu sülüʼülüin nükalia Maleiwa süpüla aluwatawaa. Nieechi anaka atuma sukuwaʼipa wayuu süpüshuaʼa.
PÜSAKIREʼERA PAAʼIN
¿Jameerü nukuwaʼipa wanee wayuu nuluwataapena Maleiwa?
Puusüteerü anain tü susoutiakat suluʼu SALMO 37:29 otta ISAÍAS 65:21-23.
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Paapüirü süchiki Nuluwataainjachin Maleiwa?
Tü nikirajakat maʼin anain Jesuu sünain aküjaa pütchi, shia süchiki Nuluwataaya Maleiwa. Kakaliairü achuntuin wayuu süpüla süntüin Nuluwataaya Maleiwa.
AAPIRIA WAYUU
¿Jameerü sukuwaʼipa wayuu nuluwataapeena Maleiwa saaʼu tü Mmakat?
Nütüjaa aaʼu Jesuu niain neʼe Maleiwa eeka süpüla najaʼttirüin tü kasa mojusü müliakalü atuma wayuu. Naaʼinreerü Maleiwa tia sükajee tü Nuluwataayakat. ¿Kasa naaʼinrüitpaka Maleiwa sükajee tü Nuluwatayaakat?
AAPIRIA WAYUU
Anashaatasü maʼin tü Nuluwataayakat Maleiwa
Pikirajaa sünain aipiruasü kasa wanoujainjatka atuma nnojoleenain na keejiakana amüin aapawaa nneerü nnojotka namüinjatüin süntapa Nuluwataaya Maleiwa.
WACHIKI
¿Jamüshii wekirajaainjanaka sünain tü Bibliakat?
Talatüsü maʼin naaʼin watta naalii wayuu sainküin mmaka süka nekirajaain sünain tü Bibliakat, yala, ekirajaashii sünain tü kasa natüjaweekat maʼin aaʼu na wayuukana. Pikirajaa sünain tü Bibliakat.
SHIKIRAJAKA ANAIN TÜ BIBLIAKAT
Jamüsü sukuwaʼipa tü ekirajawaakat
Pikirajaa sünain tü Bibliakat, nnojoishi awalaajüinjachin pia.
