¡EEJA MAʼIN PAAʼIN!
Akutkujaasü tü mmakat chaa Turquia otta Siria | ¿Jamüsüche sünüiki tü Bibliakat süchiki tia?
Peʼureeroʼu 6 soʼu 2023, akutkujaasü tü mmakat chaa Turquía otta Siria.
«Peʼureeroʼu 6 alatüshii suulia 3.700 na wayuu outakana sutuma sukutkujaain tü mmakat chaa Turquía jee palaajeeruʼu sünain Siria. Alatüsü tia wanaa sümaa alin maʼin jemiai chayaa, sutuma müin sukuwaʼipa kapüleesü nakaalinjünüin na wayuu müliakana sutuma sukutkujaain tü mmakat otta kapüleʼereesia ousütaa nanain na wayuu katakana oʼu süchikijee tia alatakat» (Reuters, peʼureeroʼu 6, 2023).
Mojushaatasü maʼin waaʼin waapapa süchiki tia. Wanaa sümaa sülatüin tia, eeshii süpüla wachuntuin kaalinwaa nümüin Jehová «chi amülialakai saaʼin wayuu» (2 Corinto 1:3, TNM). Nüküjain wamüin nümülialeenain waaʼin «sutuma tü sümakat tü Karaloʼuta Nüchikimaajatkat Maleiwa» (Roma 15:4, TNM).
Anuu tü aküjünakat suluʼu tü Bibliakat:
Sukutkujaainjatüin tü mmakat.
Sümülialeerü waaʼin jee süküjain wamüin tü kasa anasü eejeetkat mapeena.
Najaʼttireerü Maleiwa tü müliakalü atuma waya.
Pütüjaweere sooʼomüin süchiki tü sümakat tü Bibliakat süchiki tia, paashajeʼera pütchikalüirua tüü:
a Jehová nünülia Maleiwa (Salmo 83:18).
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Nüsitche Maleiwa sukutkujaain mma jee süsetüin wüin?
Naküjain piamashii wayuu müliakana aaʼin sutuma sukutkujaain mma jee süsetüin wüin tü natüjakat sünainjee tü Bibliakat.
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Jamüsü nuuʼulaaka Maleiwa eein kasa mojusü otta müliaa?
Asoutusü tü Wiwüliakat shiʼipajee tia jee sütütüleʼerüin waaʼin.
AAPIRIA WAYUU
¡Alüʼütsü süpüla sajaʼttüin tü müliaakat!
Nüküjüin Maleiwa sünain najaʼlajeʼerüinjatüin tü kasa eekat atuma müliaa. ¿Joujeerü naainjaka tia? ¿Jameerü sukuwaʼipa nutuma?
SHIKIRAJAKA ANAIN TÜ BIBLIAKAT
Jamüsü sukuwaʼipa tü ekirajawaakat
Pikirajaa sünain tü Bibliakat, nnojoishi awalaajüinjachin pia.
