Amojujaasü maʼin nakuwaʼipa na wayuukana maaʼulu, eeshii na aʼwaatakana namüin na tottootkana, mojusü nanüiki namüin na aʼyataakana suluʼu restaurante, müliashii atumawaa na aʼyataakana suluʼu katünasü otta na tepichi eʼrüliikana wayumüin nemeeʼerainpalashii na profesootkana jee airuʼutsü nanüiki namüin. Mojusü pütchi nachiki waneinnua sülaülashii mma otta eeshii na makana wayuuin kojutushii naya.

 Süküjain tü Bibliakat tü waaʼinrüinjatkat süpüla kojutujiraain waya otta jamüin nnojotka kojutujiraain wayuu maaʼulu.

 Amojujaasü maʼin nakuwaʼipa na wayuukana sainküin mmaka, nnojotsü anain namüin aaʼinraa kasa anasü jee mojutusat namüin tü kasa ekirajünakalü anain naya.

•   Tü compañiakat Gallup süsakirüin na wayuu kepiakana Estados Unidos süchiki jamüin nakuwaʼipapala na wayuukana, nayaawataka saaʼu sutuma tia keemaleein maʼin nakuwaʼipa na wayuukana maaʼulu suulialeʼeya sümaiwa paala.

•   Alatüshii suulia 32.000 na wayuu asakinnakana suluʼujee 28 mma, wainma na aküjakana nnojoluin kojutujiraain na wayuukana maaʼulu.

 Süküjatüjülia tü Bibliakat mojulaajeenain maʼin na wayuukana.

•   «Kapüleejeerüin maʼin tü kasa alatakat jee keemeerüin maʼin tü mmapaʼakat sülüʼütpa sükalia süpüla sajaʼttüin kasa mojusü. Jamüshiijaʼa na wayuukana kapüleerü neʼe naaʼin nakuwaʼipa namüiwaʼa, alanaʼaleejeeria namüin sujutu nneerü, aʼwaataweena saaʼu wanee kasa, pülayaajeerü naaʼin, mojeerü nanüiki sümüin wayuu, nnojoleena oonooin sümaa sünüiki nei jee sümaa nünüiki nashi, nnojoleena aapüin analuʼut, wayuujeena jashichi naya [...] jee nayouteerü süchiki aaʼinraa kasa anasü» (2 Timoteo 3:1-3).

 Pütüjeere sooʼomüin süchiki tü süküjatüjütkalia tü Bibliakat süchiki tia, paashajeʼera tü pütchikat «¿Predijo la Biblia cómo sería la gente en nuestros días?».

 Mayaainjeʼe mojuin nakuwaʼipa na wayuukana wainma na wayuu anoutaakana akuwaʼipa sutuma nekirajaain sünain tü Bibliakat. Wanouja anainrü tü sümakat tü Bibliakat süka aneerüin wakuwaʼipa sutuma maaʼulu jee mapeena (Salmo 111:8) Anuu waneirua pütchi aashajaaka süchiki tia:

•   Tü sümakat tü Bibliakat: «Jaaʼinra kasa anasü sümüin wayuu maʼaka saaʼinneein jümüin» (Mateo 7:12).

   Jamaluʼuluin shia: Kamaneeinjana waya sümüin wayuu jee kojutuinjana naya wamüin maʼaka saaʼinneein wamüin.

•   Tü sümakat tü Bibliakat: «Süka juuʼulaainnapain suulia süpüshuaʼa tü alawaakat, jüküjiraainjatü tü shiimainkat» (Éfeso 4:25).

   Jamaluʼuluin shia: Waküjainjatü tü shiimainkat waneepia sümaa waaʼinrüin kasa anasü.

 Pütüjeere sooʼomüin süchiki tia, paashajeʼera tü pütchikat:

•   Tü pütchi suluʼukat Aapiria Wayuu kanüliaka «Tü piyaawatakalü atuma tü anakat suulia tü mojukat».

•   Tü pütchikat «¿Süküjainche tü Bibliakat tü waaʼinrajatkat süpüla wayaawatüin saaʼu nakuwaʼipa na waneinnua?».