«Eesü süpüla ayuulin nekii na jimaʼaliikana jee majayünnüükana sutuma redes sociales jee mojuin nakuwaʼipa sutuma» (Vivek Murthy, director general de Salud Pública de Estados Unidos, New York Times, Juunioʼu 17, 2024).

 ¿Kasa naaʼinrüinjatka na kachonshiikana süpüla naaʼinmajüin nachonnii suulia redes sociales? Aküjünüsü suluʼu tü Bibliakat pütchi akaalinjeenaka naya.

 Wekirajaa sünain waneirua wetsiikulo.

 «Chi wayuu eekai kekiin maʼin, jülüjasü naaʼin tü naaʼinrajatkat» (Proverbios 14:15).

 Süka natüjain saaʼu na kachonshiikana eein süpüla sumojujaain nakuwaʼipa nachonnii sutuma redes sociales choʼujaasü eejüin naaʼin. Wanee kasa naaʼinrüinjatka shia jülüjainjatüin naaʼin laülaale naaʼin nachonnii süpüla nnojoluin nalatirüin wainma oora sünain redes sociales jee aleewain naya sümaa wayuu anaka akuwaʼipa otta nnojoluin neʼrajüin kasa eekai mojuin.

•   Pütüjaweere sooʼomüin paashajeʼera tü pütchikat «¿Deberían mis hijos usar redes sociales?» otta «Enséñele a su hijo adolescente a usar con seguridad las redes sociales».

 «Anasü shiale jülatirüin anain kaʼi tü kasa eekai anain» (Éfeso 5:16).

 Puuʼulaale na püchonniikana eein namaʼana redes sociales, püküja namüin tü naaʼinrüinjatkat jee tü nnojoluinjatkat naaʼinrüin otta jamüin anaka süpüla naaʼinrüin tia. Jülüja paaʼin nakuwaʼipa na püchonniikana piyaawateetka saaʼu anale süpüla ayatüin naya suluʼu redes sociales.

•   Piiʼiyata namüin tü videokot tablero ekirajaka taya Suluʼuinjachire pia redes sociales, eeja maʼin paaʼin süpüla nayaawatüin saaʼu eejüinjatüin naaʼin suulia redes sociales.

 Süküjain tü Bibliakat «kapüleejeerüin maʼin tü kasa alatakat jee keemeerüin maʼin tü mmapaʼakat» (2 Timoteo 3:1-5) Aküjünüsü suluʼu tü Bibliakat süchiki tü waaʼinrüinjatkat süpüla walatüin süchikumüin tia kasa kapüleekat. Pütüjaweere sooʼomüin paashajeʼera tü pütchikat «Kooʼomüinshii maʼin na jimaʼaliikana jee na majayünnüü mojukana aaʼin» eere puusüteerüin sünain wainma pütchi suluʼujeejatka tü Bibliakat akaalinjeenaka na kachonshiikana jee nachonnii.