AAPIRIA WAYUU Nuum. 3, 2018 | ¿Naaʼinmajüinche pia Maleiwa?
¿NAAʼINMAJÜINCHE PIA MALEIWA?
Sukutkujaale mma, süsetüle wüin, müliale jee outule wayuu, eesüjaʼa püsakirüle paaʼin sünain jamüin naaʼin chi Maleiwakai sünainjee tü alatakat pümüin. Anuu tü sümakat tü Wiwüliakat:
«Naaʼinmajüin Maleiwa waneepia chi wayuu eekai aaʼinrüin tü anasü nüchekakat nüpüleerua, je naapüin nünüiki wanaa sümaa nüchuntüin nümüin. Akaajasa chi wayuu eekai masütaajuin sünain aaʼinraa tü mojusükot, aʼürülaajeechi Maleiwa nümüin saaliijee tia» (1 Pedro 3:12).
Aküjünüsü suluʼu rewiisütakat tüü süchiki tü naaʼinrakat Maleiwa maaʼutpünaa jee tü naaʼinrajatkat mapeena süpüla najaʼttirüin tü kasa müliakalü atuma waya.
«¿Jalajaiche Maleiwa?»
¿Eeirü jülüjain paaʼin nnojoluin naaʼinmajüin pia Maleiwa sutuma sülatüin kasa mojusü pümüin?
¿Kapülasüche naaʼin Maleiwa pukuwaʼipa?
¿Jamüsü watüjaaka saaʼu naaʼinmajüin waya Maleiwa?
¿Nütüjaa aaʼuche Maleiwa tü alatakat pümüin?
Nütüjaa aaʼu Maleiwa jamüin waaʼin süka niʼraajüin maʼin waya otta nütüjaa aaʼu wakumajia.
¿Nütüjaa aaʼuche Maleiwa jamüin paaʼin?
Saashin tü Wiwüliakat, niyaawataa aaʼu Maleiwa kasain alatüin wamüin, tü jülüjakat waaʼin jee tü suluʼukat waaʼin. Akaʼaya nia, niyaawata aaʼu jamüin waaʼin.
Tü müliaakat: ¿niache Maleiwa kasitka shia?
¿Süsalasüche wayuu saainjala nutuma Maleiwa sükajee ayuulii, süsetüin wüin jee sükajee wawai?
¿Jaratka kasirüin shia?
Saashin tü Wiwüliakat, apünüinsü kasa müliaka maʼin atuma wayuu.
Alüʼütsü süpüla najaʼttirüin Maleiwa tü müliaakat
¿Jamüsü watüjaka saaʼu sülüʼülüin sükalia süpüla najaʼttirüin Maleiwa tü müliaakat otta tü kasa mojusü aainjünakat mmapaʼa?
Aneerü pukuwaʼipa sükajee alin pia nüpüla Maleiwa
Wekirajaale sünain tü Wiwüliakat watüjaajeerü aaʼu tü naaʼinrüinjatkat Maleiwa wapüleerua.
¿Jamüsüche naaʼin Maleiwa sünainjee tü müliaa shiʼrakat wayuu?
Sükajee tü sümakat tü Wiwüliakat wayaawata aaʼu jamüin naaʼin Maleiwa niʼrapa müliain waya atumawaa.
