2 Juan 1:1-13
1 Che, haʼéva peteĩ kuimbaʼe ijedáva,* askrivi ko kárta ñane ermána* ojeporavo vaʼekuépe ha imembykuérape. Añetehápe che ahayhu chupekuéra, ha ndahaʼéi chénte síno avei enterove umi oikuaáva pe añetegua,
2 pórke enterove jareko pe añetegua ñane korasõme ha oĩta ñanendive pára siémpre.
3 Ñandejára, haʼéva pe Túa yvagapegua, ha Itaʼýra Jesucristo, omeʼẽta ñandéve koʼã enseñánsa añetegua ha mborayhu. Haʼekuéra imbaʼeporãitereíta ñanendive,* ñandeporiahuverekóta ha omeʼẽta ñandéve pyʼaguapy.
4 Avyʼaiterei aikuaágui ne membykuéra apytépe oĩha osegíva pe añetegua rapére,+ omanda haguéicha ñandéve pe Túa.
5 Upévare koʼág̃a che ermána, askrivi ha ajerure ndéve jajoayhu hag̃ua enterove, kóva ndahaʼéi peteĩ mandamiénto pyahu, síno peteĩ jarekómava voi iñepyrũ guive.+
6 Pe mborayhu heʼise jasegi vaʼerãha jaiko Ñandejára mandamientokuéra heʼiháicha.+ Kóva hína pe mandamiénto peẽ pehendu vaʼekue iñepyrũ guive, pesegi vaʼerãha pejoayhu.
7 Pórke heta oporombotavýva osẽ ko múndope,+ umi ndogueroviáiva Jesucristo ou hague yvypóraicha.+ Upéva hína pe oporombotavýva ha oñemoĩva Crístore.*+
8 Peñatendéke ani hag̃ua pehundi umi mbaʼe hetaite roñehaʼã vaʼekue pehupyty hag̃ua, upéicharõ peguerekopaitéta umi mbaʼe porã Ñandejára oprepara vaʼekue peẽme g̃uarã.+
9 Entéro osẽva pe tapégui ha ndosegíriva umi mbaʼe Cristo omboʼe vaʼekue, Ñandejára ndoguerohorýi chupe.+ Péro pe osegíva Cristo omboʼe vaʼekue, oguerohory chupe pe Túa ha pe Taʼýra.+
10 Oĩramo oúva pene rendápe ha nomboʼéi Cristo omboʼe vaʼekue, aníke arakaʼeve perresivi chupe pende rógape+ ni pesaluda chupe.
11 Pórke pe osaludáva chupe, omoirũ hína chupe hembiapo vaikuépe.
12 Arekóramo jepe heta mbaʼe haʼeséva peẽme, ndaskriviséi peteĩ kártape. Ahaʼarõtante aha pene rendápe, chete añeʼẽ hag̃ua penendive, ikatu hag̃uáicha pevyʼaitereive.
13 Ne ermána ojeporavo vaʼekue membykuéra oguerahaka ndéve salúdo.
Nóta
^ Térã: “ansiáno”.
^ Griégope: “kuñakarai”. Koʼápe oiméne oñeñeʼẽ pe kongregasión rehe.
^ Griégope: “anticristo”.
