Salmos 101:1-8
David purahéi.
101 Jehová, apurahéita romombaʼeguasu hag̃ua.
Amombeʼúta ndehustoha, nderefallaiha avavéndi ha mbaʼeichaitépa reporohayhu.*
2 Che adesidíma siémpre ajapotaha iporãva, ani hag̃ua avave oreko heʼi vaʼerã cherehe.
¿Arakaʼe piko chepytyvõta?
Che asegíta cheñeʼẽrendu che pyʼaite guive,+ aiméramo jepe che rógape.
3 Ni mbaʼevéicharõ namañamoʼãi umi mbaʼe ivaívare ha ndovaléivare mbaʼeverã.
Ndachaʼeiete umi mbaʼe vai ojapóvare umi iñañáva.+
Ni guaʼuhápe nañehuntamoʼãi umichagua héntere.
4 Añemomombyry voi umi iñañávagui, haʼekuéra oplanea ivaíva ikorasõme.
Che ndaaseptamoʼãi* mbaʼeve ivaíva.
5 Umi oikóvape kañyháme oñeʼẽ vai* hapicháre,+che amokirirĩta.
Che ndaikomoʼãi aaguantaumi oikóvape oñemombaʼeguasu ha ijejapóvape.
6 Aguerohorýta umi iñeʼẽrendúvape,ha oikóta hikuái che rógape.
Upe oikóva tape porãre, ombaʼapóta chéve g̃uarã.
7 Ni peteĩ hovamokõiva ndoikomoʼãi che rógape.
Ni peteĩ ijapúva ndosegimoʼãi oiko che aĩháme.*
8 Che ndahejamoʼãi umi iñañáva osegi oikove ni un día, ahundíta chupekuéra.
Aipeʼapaitéta Jehová siudágui umi iñañávape.+
