Salmos 118:1-29
118 Peagradese Jehovápe pórke haʼe ivuenoiterei.+
Haʼe siémpre oporohayhueterei.*
2 Koʼág̃a topurahéi Israel,heʼi vaʼerã: “Ñandejára siémpre ohechauka oporohayhuha ha ndofallaiha avavéndi”.
3 Koʼág̃a topurahéi Aarón rogaygua,heʼi vaʼerã: “Ñandejára siémpre ohechauka oporohayhuha ha ndofallaiha avavéndi”.
4 Koʼág̃a topurahéi umi orrespetáva Jehovápe,heʼi vaʼerã: “Ñandejára siémpre ohechauka oporohayhuha ha ndofallaiha avavéndi”.
5 Ivaírõ guare che situasión ajerure sokórro Jehovápe.*
Jehová* cherendu ha chegueraha peteĩ lugár isegúro porãvape.*+
6 Ndakyhyjemoʼãi asy pórke Jehová oĩ che ykére,+¿mbaʼe piko ojapóta cherehe peteĩ persóna cheichagua?+
7 Jehová oĩ che ykére chepytyvõ hag̃ua.*+
Che ahecháta mbaʼéichapa operde umi che enemígo.+
8 Iporãiteve ningo jajerovia Jehováre,ñakonfia rangue peteĩ persóna ñandeichaguáre.+
9 Iporãiteve ningo ñañemoag̃ui Jehováre jajeprotehe hag̃ua,ñakonfia rangue umi autoridáre.+
10 Entéro umi tetã chemongora ha cheataka,péro che ajerovia rupi Jehová rérare,ambodiparapa chupekuéra.+
11 Haʼekuéra ou ojerepaite cherehe,ndaikatúi ajei chuguikuéra.
Péro che ajerovia rupi Jehová rérare, ambodiparapa chupekuéra.
12 Kávaicha oupa che ári cheataka hag̃ua.
Péro che ajerovia rupi Jehová rérare, ambodiparapa chupekuéra.+
Pe ñana pirukue pyaʼe okaiháicha,péicha pyaʼe oñehundipa hikuái.
13 Haʼekuéra* hatãiterei chemyaña chereity hag̃ua,péro Jehová chedefende.
14 Jehová* cheprotehe ha chemombarete,haʼe katuete chesalva.+
15 Ñandejára osalva* umi ihústovape,upévare oñehendu vyʼápe oĩha hikuái hogakuérape.*
Ipodér* rupive Jehová ojapo heta mbaʼe tuicha ha iporãitereíva.+
16 Jehová ohupi ipo derécha yvate ofesteha hag̃ua ogana haguére iñenemigokuérape.
Ipo derécha rupive Jehová ojapo heta mbaʼe tuicha ha iporãitereíva.+
17 Che namanomoʼãi gueteri,aikovéta amombeʼu hag̃ua umi mbaʼe porãita Jehová* ojapóva.+
18 Jehová* chekorrehi mbarete kuri,+péro haʼe ndohejái amano.+
19 Peavri chéve pe hustísia rokẽ,+che aikéta upépe ambotuicha hag̃ua Jehovápe.*
20 Péva hína Jehová róga rokẽ,pe ihústova ohasáta upérupi.+
21 Ñandejára, che romombaʼeguasúta pórke nde cherendu,+ha avei chesalva haguére.
22 Pe ita umi alvañíl omboyke vaʼekue,pévagui oiko pe ita prinsipál.*+
23 Jehová voi ojapo upéva,+ha iporãiterei ñandéve g̃uarã la ojapóva.+
24 Ñande javyʼaiterei ko díape,pórke Jehová ojapo koʼã mbaʼe koestedía.
25 Jehová, oresalvamína por favór.
Jehová, orepytyvõmína rogana hag̃ua.
26 Toñevendesi upe kuimbaʼe oúva Jehová rérape.+
Jehová róga guive, ore rojerure chupe penevendesi hag̃ua.
27 Jehová hína ñande Dios,haʼe hína peteĩ lus ñanderesapéva.+
Pejagarra palméra rakã ha pemoirũ umi vyʼápe ohóvape ofesteha+
pe altár* ypy peve.+
28 Nde hína che Jára ha upévare romombaʼeguasúta.
Che rombotuicháta che Jára.+
29 Peagradese Jehovápe+ pórke haʼe ivuenoiterei.
Haʼe siémpre ohechauka oporohayhuetereiha ha ndofallaiha avavéndi.*+
Nóta
^ Hebréope: “Jah”. Péicha oñemombyky Jehová réra.
^ Hebréope: “Jah”. Péicha oñemombyky Jehová réra.
^ Térã: “peteĩ lugár tuicha porãvape”.
^ Ikatu avei: “oĩ umi chepytyvõva apytépe”.
^ Ikatu avei: “Nde”.
^ Hebréope: “Jah”. Péicha oñemombyky Jehová réra.
^ Térã: “oipytyvõ ogana hag̃ua”.
^ Hebréope: “hóga karpakuérape”.
^ Hebréope: “Ipo derécha”.
^ Hebréope: “Jah”. Péicha oñemombyky Jehová réra.
^ Hebréope: “Jah”. Péicha oñemombyky Jehová réra.
^ Hebréope: “Jah”. Péicha oñemombyky Jehová réra.
^ Hebréope: “pe eskína akã”.
^ Hebréope: “altár ratĩ”.
^ Térã: “mborayhu ifiélva”.
