Salmos 62:1-12
Pe odirihíva musikokuérape g̃uarã, de Jedutún.* David purahéi.
62 Ñandejára chesalváta.+
Trankílo porãnte ahaʼarõta* haʼe chepytyvõ.
2 Haʼe añoite ningo chesalva. Ñandejára hína peteĩ lugár isegúro porãva,* chéve g̃uarã haʼe peteĩ ita guasu.+
Upévare cheprovlémarõ jepe, apuʼã jeýne katuete.+
3 Peẽ pejukaséramo peteĩ persónape, ¿mboy tiémpore piko peatakáta chupe?+
Enterove peẽ pendepeligróso, haʼete peteĩ murálla hoʼa potaitéva.
4 Koʼã hénte okalkula oñondivepa mbaʼéichapa oitýta pe persónape ipuéstogui. Ovyʼa voi la ijapúramo hikuái.
Oiko guaʼu heʼi chupe heta mbaʼe porã,péro ipyʼapýpe katu omaldesi chupe.+ (Sélah)
5 Che areko esperánsa Ñandejárare.+
Trankílo porãnte ahaʼarõta* haʼe chepytyvõ.+
6 Haʼe añoite ningo chesalva. Ñandejára hína peteĩ lugár isegúrova, chéve g̃uarã haʼe peteĩ ita guasu.
Upévare cheprovlémarõ jepe, apuʼã jeýne katuete.+
7 Ñandejára chemombaʼe, haʼe hína upe chesalváva.
Ñandejára ningo chéve g̃uarã peteĩ ita guasu imbaretéva, peteĩ lugár isegúro porãva ikatuhápe aha akañy.+
8 Peẽ ningo ipuévlo, upévare pejerovia vaʼerã hese tódo el tiémpo.
Pemombeʼupaite chupe umi mbaʼe oĩva pende pyʼapýpe.+
Pórke Ñandejára hína peteĩ lugár isegúro porãva ñandéve g̃uarã.+ (Sélah)
9 Umi hénte katu yvytu reínte,umi persóna ndaikatúi ñandeprotehe.+
Ñamoĩramo peteĩ valánsape entéro yvypóra, jahecháta yvytu jepe ipohyiveha chuguikuéra.+
10 Ani pepensa pesẽ porãtaha pejaprovecháramo pende rapicháre.
Ani peimoʼã pemondáramo oho porãvetaha peẽme.
Ha pendepláta hetáramo jepe pehóvo, ani pejerovia umívare.+
11 Ahendu 2 vése Ñandejára heʼiha:
Ñandejára mbaʼe hína pe podér.+
12 Jehová, nde añoite reporohayhueterei.*+
Káda únope remeʼẽ pe omereséva hembiapokuére.+
