Salmos 78:1-72
-
Okuida ipuévlore, péro haʼekuéra ndojeroviái hese.
Maskil.* Asaf purahéi.+
78 Peẽ che retãygua, pehendúna che léi,*
pejapysaka porãkena umi mbaʼe haʼévare.
2 Amombeʼúta peẽme peteĩ mbaʼe iñimportánteva ojeʼe vaʼekue chéve,amombeʼúta umi sekréto yma guare.+
3 Umi mbaʼe ñande tuakuéra omombeʼu vaʼekue ñandéve.
Umi mbaʼe ñande jaikuaáva ha ñahendúva.+
4 Umíva nañamokañymoʼãi ñane familiakuéragui.
Ñamombeʼúta umi henerasión oútavape.+
Ñamombeʼúta umi milágro Ñandejára ojapo vaʼekue,+umi mbaʼe ohechaukáva Jehová ipoderosoha ha omereseha jaadora chupe.+
5 Ñandejára omomanduʼa Jacob familiarépe imandamientokuéra,*
ha omeʼẽ iléi Israélpe.
Ñandejára omanda vaʼekue ñande tuakuéra ypykuépeomombeʼu hag̃ua koʼã mbaʼe ifamíliape.+
6 Upéicharõmante pe henerasión oútava,umi mitã onasétava upe rire oikuaáta avei koʼã mbaʼe,+ha haʼekuéra omombeʼu jeýta ifamiliakuérape.+
7 Upéicha ojeroviáta avei hikuái Ñandejárare,ha ndahesaraimoʼãi umi mbaʼe haʼe ojapo vaʼekuégui.+
Upéva rangue, ojapóta opa mbaʼe Ñandejára omandáva.+
8 Péicha ndojoguamoʼãi hikuái ituakuéra ypykuépe.
Umíva ningo irrevélde ha nokambiaséi vaʼekue,+haʼekuéra ipyʼamokõi*+
ha naisinséroi Ñandejárandi.
9 Umi hénte Efraingua orekopáma vaʼekue hiʼárko ha iflechakuéra oñorairõ hag̃ua,péro ojerretirapa jey pe gerrahágui.
10 Haʼekuéra nokumplíri pe kompromíso ojapo vaʼekue Ñandejárandi,+ha ndosegiséi pe léi heʼíva.+
11 Haʼekuéra ningo hesarái Ñandejára ojapo vaʼekuégui,+umi milágro haʼe ojapo vaʼekue hesehapekuéra.+
12 Ñandejára ojapo vaʼekue heta mbaʼe tuichaitereíva Zoan ñúme, amo Egíptope,+ha umi ituakuéra ypykue ohechapa vaʼekue umíva.+
13 Ñandejára odividi pe mar ikatu hag̃uáicha pe puévlo ohasa upérupi,ha umi y opyta múroicha.+
14 Ñandejára ogia chupekuéra,upearã oipuru de diakue peteĩ arai ha pyharekue katu peteĩ tatarendy.+
15 Pe desiértope haʼe ojoka umi ita ha arrójoicha osyry chugui pe y.
Ha umi hénte hoyʼu upégui hyg̃uatã meve.+
16 Ñandejára onohẽ y pe ita guasúgui,ha osyry peteĩ rríoicha.+
17 Pe puévlo katu osegínte opeka pe desiértope.
Haʼekuéra ojerrevela Ñandejára Ndaijojaháivare.+
18 Odesafia* hikuái Ñandejárape,+ha ojerure oñemoĩ hag̃ua chupekuéra umi tembiʼu haʼekuéra hoʼusévante.
19 Ojekeha hikuái Ñandejáraguiha heʼi: “Ikatúta guaʼu piko Ñandejára omeʼẽ ñandéve tembiʼu ko desiértope”.+
20 Pepensamíntena, Ñandejára ningo ombota peteĩ itaha arrójoicha osẽ chugui pe y.+
Péro haʼekuéra heʼi jey voi: “¿Ñandejára piko ikatúta omeʼẽ ñandéve pan?
¿Ikatúta piko omeʼẽ ipuévlope soʼo?”.+
21 Jehová orrenegaiterei ohendúvo chupekuéra.+
Haʼe ipochyeterei Israel rehe,+upévare ombou tata okastiga hag̃ua Jacob familiarépe.+
22 Haʼekuéra ndojeroviái Ñandejárare,+ha opensa haʼe ndaikatumoʼãiha osalva chupekuéra.
23 Upémarõ Ñandejára omanda umi araípe ojeavri hag̃ua,haʼe oavri pe yvága peteĩ okẽ ojeavriháicha.
24 Ñandejára omeʼẽ chupekuéra hembiʼurã yvága guive,oky chupekuéra pe maná hoʼu hag̃ua.+
25 Umi hénte hoʼu pe tembiʼu oúva yvágagui.*+
Heta porã omeʼẽ chupekuéra hoʼu hag̃ua hyg̃uatã meve.+
26 Upéi Ñandejára omopuʼã peteĩ yvytu ésteguio ládo,ha oipuru avei ipodér omopuʼã hag̃ua viénto sur.+
27 Upéicha rupi hetaiterei guyra oho haʼekuéra oĩha gotyo, yvytimbóicha ojagarrapa upe lugár.
Péicha oky chupekuéra soʼo hoʼu vaʼerã, hetaiterei voi, haʼete pe yvykuʼi oĩva pe mar kóstare.
28 Ñandejára oity umi guyra ipuévlo oikohápe,atyraite hoʼa umi óga kárpa jerére.
29 Péicha Ñandejára omeʼẽ chupekuéra oipotáva,+ha hoʼu hikuái pe soʼo hyg̃uatã rasapa peve.
30 Péro haʼekuéra noñekontentái, síno oipota potave voi hoʼu vaʼerã.
Ha oreko aja gueteri hembiʼu ijurúpe,
31 Ñandejára ipochyeterei hendivekuéra,+haʼe ohundi umi kuimbaʼe imbaretevévape,+ohundi umi kuimbaʼe imitãvévape oĩva Israélpe.
32 Upéicharõ jepe, haʼekuéra osegi opeka ha ojapo umi mbaʼe ivai vaivéva.+
Ni ohecha rire umi milágro ndojeroviái hikuái Ñandejárare.+
33 Upévare Ñandejára ohundi chupekuéra ha opa rei hikuái ku yvytúicha.+
Heta mbaʼe vai oporomongyhyjéva ohasa hikuái omano hag̃ua.
34 Pe puévlo ohecha jave Ñandejára ohundiha hetápe ijapyteguikuéra,imanduʼa jey hikuái Ñandejárare,+ ha oñehaʼã oñemoag̃ui jey hese.
35 Imanduʼa hikuái Ñandejára haʼeha chupekuéra g̃uarã peteĩ Ita Guasu,+ha Ñandejára Ndaijojaháiva añoite haʼeha pe Salvadór.*+
36 Péro haʼekuéra ijapu chupe,ombotavyse hikuái Ñandejárape.
37 Umi hénte ndojeroviái Ñandejárare ipyʼaite guive,+ha nokumplíri pe kompromíso ojapo vaʼekue hendive.+
38 Péro Ñandejára oiporiahuvereko chupekuéra,+haʼe operdona pe puévlope ha nohundíri chupekuéra.+
Ipochýramo jepe, heta vése ojejokopaite+
ha nohundíri chupekuéra.
39 Ñandejára imanduʼa haʼekuéra yvypóra reinteha,+opa reíva yvytúicha, ohasa ha ndouvéimava.
40 Hetaiterei vése ningo ojerrevela hikuái Ñandejárare pe desiértope.+
Mboy vése piko haʼe oñeñandu vai ikausakuérare.+
41 Pyʼỹieterei odesafia hikuái Ñandejárape.+
Haʼekuéra pyʼỹinte omoñeñandu vai Israel Járape.*
42 Haʼekuéra hesarái Ñandejára ipoderosoha,*
naimanduʼái hikuái Ñandejára oguenohẽ hague chupekuéra umi iñenemígo poguýgui.+
43 Hesarái hikuái umi mbaʼe Ñandejára ojapo vaʼekuégui Egíptope,+ha umi milágro ojapo vaʼekuégui Zóanpe.
44 Hesarái avei Ñandejára ojapo hague tuguy pe Rrío Nílogui,+ha umi egipcio ndaikatuvéi hoyʼu chugui.
45 Ñandejára ombou mbutu atýra oisuʼu ha ombotarova hag̃ua chupekuéra.+
Ombou avei juʼi ha ojagarrapaite upe tetã.+
46 Ñandejára ombou umi tuku hoʼupa hag̃ua iplantasión,upéicha umi tuku atýra ohundipa umi egipcio travahokue.+
47 Ñandejára ombou amandáu ha ohundipaite chuguikuéra iparralty.+
Umi amandáu itáicha tuicháva ohundipa avei umi ígo máta.*
48 Umi amandáu ojukapa avei umi animálpe,+ha umi rrájo* ojukapa hymbakuérape.
49 Haʼekuéra omorrenega ha ombopochyeterei Ñandejárape,omotĩ ha omoñeñandu vai chupe hikuái.
Upévare haʼe ombou heta ánhel ohundi hag̃ua chupekuéra.
50 Ñandejára ndojejokovéi ha ohechauka ipochyha.
Ombou chupekuéra* péste ha oheja omano hikuái,haʼe ndosalvái chupekuéra.*
51 Upéi Ñandejára ohundi umi egipcio família ypykuépe,+umi primeroite onase vaʼekue Cam rogaygua apytépe.
52 Upe rire Ñandejára oguenohẽ ipuévlope peteĩ ovecha atýicha,+ha ogia chupekuéra pe desiértore ojegiaháicha umi ovechápe.
53 Ha pe puévlo ndokyhyjéi,+Ñandejára ogia ha oprotehe rupi chupekuéra.
Iñenemigokuéra katu omanombaite pe márpe.+
54 Upéi Ñandejára ogueraha ipuévlope ijyvy sagrádope,+ oĩháme heta montáña.
Haʼe ojagarra kuri upe lugár ipodér* rupive.+
55 Omosẽ umi ótro tetãme henonderãkuéragui,+haʼe oipuru pe piolín oñemedi hag̃ua ha omeʼẽ Israélpe ijyvyrã.+
Upéicha omeʼẽ káda trívupe peteĩ lugár oiko hag̃ua.+
56 Upéicharamo jepe, haʼekuéra osegi odesafia* Ñandejára Ndaijojaháivape ha ojerrevela hese.+
Haʼekuéra ndojapói umi mbaʼe Ñandejára heʼi vaʼekue chupekuéra.+
57 Haʼekuéra itraisionéro ha oñemomombyry Ñandejáragui ojapo haguéicha ituakuéra ypykue,+ojogua hikuái árko sã iflóhovape ndaikatúiva opoi flécha, ndovaléi mbaʼeverã.+
58 Haʼekuéra orekopa voi umi lugár ijyvatéva oadora hag̃ua umi dióspe, ha péicha ohechauka ndorrespetaiha Ñandejárape.+
Haʼekuéra ombopochy Ñandejárape ojapóvo umi taʼanga.+
59 Ñandejára ohecha umi mbaʼe ojapóva hikuái ha ipochyeterei,+upévare orrechasa Israélpe.
60 Ñandejára oheja pe tavernákulo oĩva Silópe,+upe lugár* haʼe oiko haguépe yvyporakuéra apytépe.+
61 Haʼe oheja iñenemigokuéra ogueraha pe árkaorrepresentáva ifuérsa ha ipodér.+
62 Ñandejára ipochyeterei ipuévlo ndive, haʼéva iñerénsia,upévare oheja ojejuka chupekuéra espádape.+
63 Ou peteĩ tatarendy ha ohundi umi kuimbaʼekuérape,ha ndaiporivéi ogueropurahéiva umi mitãkuñáme* kasamientohápe.
64 Umi saserdótepe ojejuka espádape,+ha ni umi hembireko nahasẽi hesekuéra.+
65 Upéi haʼete ku Jehová opáyva,+peteĩ gerréro+ ojerávaicha hoʼu rire víno.
66 Haʼe ombodipara iñenemigokuérape,+ha omotĩ chupekuéra opa árare.
67 Ñandejára orrechasa José familiarépe,haʼe omboyke Efraín trívupe.
68 Péro oiporavo Judá trívupe,+pe Sérro Sion haʼe ohayhuetéva.+
69 Ñandejára ojapo pe lugár sagrádo odura hag̃ua pára siémpre pe yvágaicha,+ojogua pe yvýpe opytátava opa ára g̃uarã.+
70 Ñandejára oiporavo vaʼekue isiérvo Davídpe,+haʼe ningo oñangareko vaʼekue ovechakuérare.+
71 Haʼe ningo oñangareko kuri umi ovecha imembymi reheve, ha upégui ogueru chupe,ha omoĩ chupe oñangareko hag̃ua ipuévlo rehe, Jacob familiare,+oñangareko hag̃ua Israel rehe, haʼéva hína iñerénsia.+
72 Haʼe ningo iñeʼẽrendu ipyʼaite guive ha oñangareko upe puévlore peteĩ pastór ojapoháicha,+ha ogia porã chupekuéra.+
Nóta
^ Térã: “instruksión”.
^ Térã: “rrekordatório”.
^ Hebréope: “ndopreparái ikorasõ”.
^ Hebréope: “Oprova”.
^ Hebréope: “umi ipoderósova pan”.
^ Térã: “oñevengáva”.
^ Hebréope: “ipógui”.
^ Térã: “sikómoro máta”.
^ Ikatu avei: “akãnundu”.
^ Térã: “hiʼalmakuérape”.
^ Hebréope: “hekovekuéra”.
^ Hebréope: “ipo derécha”.
^ Hebréope: “oprova”.
^ Hebréope: “óga kárpa”.
^ Hebréope: “vírhenpe”.
