¿Ndépa reikuaa mbaʼe Rréinopa hína upéva?... Si, Ñandejára Rréino. Upe Rréino ojapóta ko yvýgui peteĩ hardín neporãva. ¿Reipotápa amombeʼu ndéve hetave mbaʼe ojapótava ko Rréino?...

Entéro rréino oreko peteĩ rréi. Pe rréi ogoverna opavave hénte oikóvape upe tetãme. ¿Ndépa reikuaa mávapa pe Rréi Ñandejára Rréinope?... Jesucristo. Haʼe oiko yvágape, péro koʼẽrõite ogovernáta enterove hénte oikóvape ko yvy ape ári. ¿Mbaʼéichapa nde ere jaikotaha Jesús ñanegoverna vove?...

¡Upe tiémpope ningo añetehápe javyʼaitereíta! Pe hardín porãitépe ndaiporimoʼãvéima gérra ni hénte oñorairõva. Enterove ojoayhúta. Ndaiporimoʼãvéima avei hasýva ni omanóva. Umi siégo ohecháta, umi sórdo ohendúta, ha umi paralítiko ikatúta odipara ha opopo. Opavavénte orekóta hetaiterei tembiʼu. Umi animál imánsota ha ndojapomoʼãi ñanderehe mbaʼeve ivaíva. Umi omano vaʼekue jepe oikove jeýta. Ko follétope reaprende kuri Rebeca, Rahab, David ha Elíasgui. Haʼekuéra oikove jeýta  avei. ¿Reñeʼẽsénepa hendivekuéra oikove jey vove?...

Jehová nderayhu ha oipota revyʼa. Resegíramo reaprende Jehovágui ha rejapo heʼíva ndéve, ikatúta reiko opa árare pe hardín neporãvape. ¿Reikosépa upépe?...