LEKSIÓN 22
¿Mbaʼéichapa ikatu repredika?
Amáske reaprende mbaʼépa heʼi la Biblia oiméne repensa: “¡Hiʼãiténgo enterovéva oikuaa avei koʼã mbaʼe!”. Ha añetehápe iporãiterei vaʼerã upéva. Péro ikatu oime rekyhyjeʼimi remombeʼu hag̃ua umi mbaʼe reaprendéva. Jahechamína mbaʼépa nepytyvõta ekomparti hag̃ua vyʼápe ótrondi umi notísia porã.
1. ¿Mbaʼéichapa ikatu repredika ne hénte ha ne amigokuérape?
Jesús disipulokuéra heʼi vaʼekue: “Ore ndaikatúi roguerokirirĩ umi mbaʼe rohecha ha rohendu vaʼekue” (Hechos 4:20). Haʼekuéra omombaʼeterei kuri la oaprendéva Jesúsgui ha omombeʼuse upéva enterovépe. ¿Ndépa reñeñandu avei upéicha? Upéicharõ, ehekákena oportunida remombeʼu hag̃ua ne hénte ha ne amigokuérape la reaprendéva. Péro rejapóvo upéva, ehechaukákena errespetaha chupekuéra (elee Colosenses 4:6).
Mbaʼéichapa emoñepyrũkuaa peteĩ konversasión
-
Eñemongeta jave peteĩ ne héntendi, ikatu eñepyrũ eñeʼẽ la Bíbliare erévo: “Akokuehe aaprende kuri álgo iñinteresantetereíva”.
-
Erekóramo peteĩ ne amígo ojepyʼapyetereíva álgore térã hasykatúva, ekomparti hendive peteĩ téxto omokyreʼỹtava chupe.
-
Ne kompañéro de traváho oporandúrõ mbaʼetekópa ne semána, emombeʼu chupe álgo reaprendéva nde estúdiope térã rreunionhápe.
-
Ehechauka ne amigokuérape pe sítio de Internet jw.org.
-
Ejerure ótrope taneakompaña pestudiáta jave la Biblia, térã ehechauka chupe mbaʼéicha ojerurekuaa peteĩ estúdio jw.org-pe.
2. ¿Mbaʼére iporãta remoĩrõ la méta esẽvo epredika kongregasióndi?
Jesús disipulokuéra opredika vaʼekue ikatúvape guive, ndahaʼéi ikonosidokuérapente. Haʼe “omondo chupekuéra de a 2 oho hag̃ua henonderã entéro siuda” haʼe ohotahápe (Lucas 10:1). Upéicha oñepyrũ oñeorganisa pe predikasión ha oñemeʼẽ oportunida umi héntepe ohendu hag̃ua umi notísia porã. Ha umi disípulo ovyʼaiterei vaʼekue ikatu haguére opredika oñondive (Lucas 10:17). ¿Ikatúnepa nde avei emoĩ kómo méta epredikávo ne kongregasióndi?
EJEPYʼAMONGETAMÍNA
Jahechamína mbaʼépa nepytyvõta pono nenervióso repredika jave ha redisfruta hag̃ua rejapóvo upéva.
3. Jehová nepytyvõta
Oĩ opredikaséva péro okyhyje oñepensa vaírõ g̃uarã hese, térã oñerreaksiona vaíramo g̃uarã.
-
¿Ndépa rekyhyje remombeʼu hag̃ua ótrope umi mbaʼe reaprendéva? ¿Mbaʼérepa reñeñandu upéicha?
Ehecha pe VIDÉO, ha upéi erresponde ko porandu:
-
¿Mbaʼépa ojapo koʼã ermáno ipyʼaguasu hag̃ua?
Elee Isaías 41:10, ha upéi erresponde ko porandu:
-
Rehechakuaáramo rekyhyjeha repredika hag̃ua, ¿mbaʼérepa iporãta reñemboʼéramo upepete?
¿Reikuaápa raʼe?
Heta ermáno ha ermána opensa vaʼekue núnka ndaikatumoʼãiha opredika. Por ehémplo, Sergey opensa vaʼekue ndovaleiha mbaʼeverã, ha ijetuʼu chupe omombeʼu hag̃ua ótrope la opensáva ha oñandúva. Péro upéi oñepyrũ ostudia la Biblia, ha heʼi: “Akyhyjéramo jepe, añepyrũ añemongeta ótrondi umi mbaʼe aaprendévare. Ha tuichaiterei añesorprende, pórke añeʼẽ rire ótrope la Bíbliare, mbeguekatúpe ajeroviavéma ahávo chejehe. Ha avei upéva chepytyvõ ikatu hag̃uáicha amombareteve che jerovia Ñandejárare”.
4. Ehechauka epororrespetaha
Epredikáta jave ótrope, ndahaʼéi erekónte vaʼerã enkuénta mbaʼépa eréta, síno avei mbaʼéichapa eréta upéva. Elee 2 Timoteo 2:24 ha 1 Pedro 3:15, ha upéi erresponde koʼã porandu:
-
¿Mbaʼéichapa ikatu ejapo la heʼíva koʼã téxtope reñeʼẽta jave ótrope la Bíbliare?
-
Ikatu oĩ ne hénte térã ne amigokuéra apytépe opensáva diferénte ndehegui, ¿mbaʼépa ikatu rejapo upéicha jave, ha mbaʼépa ndovaléi rejapo?
-
¿Mbaʼérepa iporãvéta eipurúramo umi porandu omorrasonátava chupekuéra ere rangue direktoite mbaʼépa oguerovia vaʼerã?
5. Katuete revyʼáta repredikáramo
Jehová onkarga vaʼekue Jesúspe opredika hag̃ua umi notísia porã. ¿Mbaʼépa opensa vaʼekue Jesús upévare? Elee Juan 4:34, ha upéi erresponde koʼã porandu:
-
Ñande ningo ñañealimenta vaʼerã jaikove hag̃ua, péro avei jadisfruta jajapóvo upéva. Ha Jesús heʼi vaʼekue haʼeha voi tembiʼu chupe g̃uarã ojapo Itúa volunta, umíva apytépe opredika. ¿Mbaʼérepa opyta porãiterei vaʼekue oipuru upe komparasión?
-
¿Mbaʼe vendisiónpa rehupytýta reñehaʼãramo epredika umi notísia porã?
Konsého
-
Pe rreunión éntre semanaguápe eñehaʼã eaprende mbaʼéichapa ikatu emoñepyrũ peteĩ konversasión epredika hag̃ua.
-
Eporandu ne instruktórpe mbaʼépa ikatu ejapo eñepyrũ hag̃ua ereko párte pe rreunión éntre semanaguápe. Umíva nepytyvõta reimeve hag̃ua preparádo reñeʼẽ hag̃ua ótrope umi mbaʼe reaprendévare.
-
Umi rrekuádro héravape “Oĩramo heʼíva” térã “Oĩramo oporandúva”, oñemoĩ mbaʼépa heʼi jepi la hénte ojepredika jave chupekuéra. Eipuru koʼã párte epraktika hag̃ua mbaʼéichapa ikatu erresponde.
OĨRAMO OPORANDÚVA: “¿Mbaʼe la noveda hína?”.
-
¿Mbaʼéichapa ikatu reaprovecha upe oportunida remombeʼu hag̃ua chupe mbaʼépa reaprende reikóvo la Bíbliagui?
RRESÚMEN
Ñepyrũrã ikatu repensa ijetuʼuetereiha repredika hag̃ua, péro upéi rehechakuaáta ndahaʼeiha la upéicha ha katuete revyʼáta rejapóvo upéva.
Rrepáso
-
¿Mbaʼérepa iporãta repredikáramo umi notísia porã?
-
¿Mbaʼéichapa rehechaukáta repororrespetaha repredika jave?
-
¿Mbaʼépa nepytyvõta pono rekyhyje repredika hag̃ua?
EINVESTIGA HAG̃UA
Ehecha 4 ehémplo isensíllova ohechaukáva mbaʼéichapa ikatu ekomparti umi notísia porã reipurúvo pe tarhéta jw.org.
Ehecha 4 kualida ikatúva nepytyvõ ekompartise hag̃ua ótrondi umi notísia porã.
Ehecha mbaʼéichapa peteĩ ehémplo bíblico ikatu oipytyvõ umi imitãvape jepe opredika hag̃ua.
Ehecha mbaʼéichapa ikatu reñeʼẽ la Bíbliare peteĩ ne hénte ndoikuaáivape Jehovápe.
“Ñaipytyvõkena ñane hénte ndahaʼéivape Testígo” (Ñemañaha 15 de marzo de 2014)
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
