¿Mbaʼépa nde ere?

• Si

• No

• Ikatu mbaʼe

Mbaʼépa heʼi la Biblia

“Umi ára pahápe pe situasión ijetuʼúta ha hasýta jagueropuʼaka hag̃ua” (2 Timoteo 3:1). Jahechávo umi mbaʼe oikóva ñande jerére jahechakuaa oñekumplimaha umi profesía oĩva la Bíbliape. Upéva ohechauka jaikomaha umi ára pahápe.

¿Mbaʼépa ikatu ñaaprendeve la Bíbliagui?

• Umi ára pahápe oĩta hetaiterei gérra, terremóto, mbaʼasy vai ha hénte iñembyahýiva (Mateo 24:3, 7; Lucas 21:11).

• Umi ára pahápe umi hénte hekokyʼáta ha ndoikuaasemoʼãi mbaʼeve Ñandejáragui (2 Timoteo 3:2-5).

Mbaʼépa opensa jepi umi hénte. Oĩ opensáva umi ára paha og̃uahẽvo huʼãme oñehunditaha ko yvy ha entéro jaikóva pype. Ótro katu oreko esperánsa omehorávo la situasión. ¿Mbaʼépa nde repensa?

Mbaʼépa heʼi la Biblia

“Hekopotĩvape opytapáne ko yvy, ha upépe haʼekuéra oikóne opa árape” (Salmo 37:29).

¿Mbaʼépa ikatu ñaaprendeve la Bíbliagui?

• Umi ára paha og̃uahẽvo huʼãme opáta umi mbaʼe ñanembohasa asýva (1 Juan 2:17).

• Ko yvy kompletoitégui oikóta peteĩ hardín neporãva (Isaías 35:1, 6).