Mbaʼéichapa “umi mitã oñomokyreʼỹ”
Diciembre 2009-pe, Tribunal Supremo oĩva Rúsiape odesidi oaprova oñemboty hag̃ua Testígo de Jehová kongregasión oĩva Taganrog Rúsiape. Avei oipeʼa chuguikuéra Salón del Reino ha 34 ñane puvlikasión rehe heʼi hikuái ivaietereiha. Testígo de Jehová direksiónpe Internétpe oñemombeʼu koʼã mbaʼe vaiete ohasáva ñane ermanokuéra ha oñemoĩ avei pype ifotokuéra ha ijapytepekuéra ojehecha oĩha heta mitã.
Unos kuánto mitã Austráliape
Upe riremínte pe Centro Administrativo de los Testigos de Jehová oĩva Rúsiape, orresivi peteĩ rregálo oguerahaukavaʼekue peteĩ família oikóva Queensland, Austráliape. Koʼã ermáno ohecha ñane páhinape Internétpe umi mbaʼe ohasáva ermanokuéra Rúsiape, upévare oguerahauka chupekuéra pe rregálo ha hendive peteĩ kárta heʼíva: “Ore ermanokuéra rohayhuetéva: Ore família Cody ha Larissa rehe oguapyeterei ohechávo umi mbaʼe ohasáva ermanokuéra Rúsiape ha mbaʼéichapa ijerovia mbarete hikuái. Upévare ohai chupekuéra kárta ha oguerahauka rregalíto umi mitãme g̃uarã. Cody ha Larissa oipota oikuaa hikuái mombyry asyete upégui oĩha avei heta mitã iñeʼẽrendúva Jehovápe ha akóinte opensáva hesekuéra. Oguerahauka chupekuéra ñeañua mbarete ha mborayhu”.
Umi mitã oikóva Taganrogpe ovyʼaiterei orresivívo umi rregálo ha upévare ohai peteĩ kárta oagradese hag̃ua pe família Australiayguápe ha odivuhaʼipa hese hikuái oguerahauka hag̃ua. Peteĩ ermáno oservíva sukursál oĩvape Rúsiape, oguerohoryeterei mbaʼéichapa umi mitã oñomokyreʼỹ, upévare ohai Cody ha Laríssape: “¡Ajépa ñañeñandu vaieterei reiete jajekastigáramo! Upéicha oñeñandu umi ermáno oikóva Taganrogpe, haʼekuéra ningo ndojapói mbaʼeve ivaíva ha ojekastiga chupekuéra ojepeʼávo chuguikuéra pe Salón del Reino. Péro ovyʼaitereíta hikuái oikuaávo oĩha heta ermáno imanduʼáva hesekuéra. ¡Aagradeseterei peẽme penembaʼeporã ha peporohayhukuaa haguére!” (Sal. 8:2).
Asu gotyo oĩ umi mitã Rusiaygua orresivivaʼekue rregalíto ha deréchape umi mitã Autraliaygua oguerahaukavaʼekue umi rregálo
Añetehápe, enterove ermáno opa tetãygua jaiko peteĩ ñeʼẽme ha peteĩ famíliaicha jajoayhu, upéva ñanepytyvõ jagueropuʼaka hag̃ua oimeraẽ mbaʼe. Umi trivunál ohecha aja añetehápepa ñane puvlikasionkuéra oporomomýi oñeñorairõ hag̃ua, ñane ermanitokuéra ohechauka ojepyʼapyha umi ermáno ohasa asývare, tahaʼe haʼéva tetãygua. Upéicha ohechauka añeteha Jesús heʼivaʼekue: “Peẽ pejoayhúramo, opavave ohechakuaáta peẽ haʼeha che remimboʼe” (Juan 13:35).
