Ñandejára Jehová ningo omeʼẽ la vída enterovépe (Salmo 36:9). Upévare ikatu ñaime segúro haʼe ikatutaha avei omoingove jey umi omano vaʼekuépe. Ha la Biblia heʼi ñandéve haʼe ojapotaha katuete upéva. (Elee Hechos 24:15.) Péro, ¿mbaʼérepa haʼe omoingove jeýta umi héntepe?

Ñande Kreadór ningo ñandeapo vaʼekue jaiko hag̃ua pára siémpre ko yvy ape ári (Génesis 1:31; 2:15-17). Ha koʼag̃aite peve upéva haʼe la oipotáva ñandéve g̃uarã. Ha haʼe ombyasy ohechávo koʼág̃a mbykyetereiha ñande rekove ha ñanerenyhẽha provlémagui. (Elee Job 14:1, 14, 15.)

¿Ñandeapópa rakaʼe Ñandejára jaiko hag̃ua yvágape? Nahániri. Haʼe ojapo vaʼekue umi ánhelpe oiko hag̃ua upépe, ha ñandéve katu jaiko hag̃ua ko yvy ape ári (Génesis 1:28; Job 38:4, 7). Ha ñapensamína avei umi persóna Jesús omoingove jey vaʼekuére. ¿Moõpa haʼekuéra orresusita vaʼekue? Ko yvy ape ári. Upéicha avei, oikóta vove pe rresurreksión, la majoría oikove jeýta ko yvy ape ári. (Elee Juan 5:28, 29; 11:44.)

Péro Ñandejára oiporavóma avei mbovymi persónape oiko hag̃ua yvágape orresusita rire, haʼekuéra orekóta peteĩ kuérpo espirituál (Lucas 12:32; 1 Corintios 15:49, 50). Ohóta hikuái upépe ogoverna hag̃ua ko yvy Jesús ndive. (Elee Apocalipsis 5:9, 10.)