Ɛɛ, se’ere n sɔi la Naayinɛ boti la to laɣesɛ taaba pu’usa en. Baabule la yeti: “Bahɛ ya te to tɛnra taaba yele, ete dena wa la to soŋora taaba, tara nɔŋerɛ ge me eta sɛla n an soŋa. Da bahɛ te to tare ya eteseko te nɛreba basɛba tara ka bɔta ba lagom na la taaba la.”​—Hebru 10:24, 25, tiŋanɔɔrɛ yelesum, nwt.

 Yezu yuun pa’alɛ ti a podɔleba la wan tigese bamea se’em ma’a ti a yuun yele ba ti: “Ya han nɔŋɛ taaba, nɛra woo wan baŋɛ te ya dela mam dɔlɔba.” (Yon 13:35) Krista podɔleba pa’alɛ ti ba tari nɔŋerɛ ba san naɛ la ba mabiisi bɔna. Ba wan tigese bamea tansuga poan ge laɣena taaba pu’usa. (1 Korint 16:19) Ba za’a wan laɣum pa’asɛ la mabinɔɔrɛ poan.​—1 Peter 2:​17.

La daɣɛ to yeen bɔna pu’usegɔ poan ma’a yele n pakɛ

 Baabule la pa’alɛ ti, la nari ti nɛreba laɣesa taaba pu’usa Naayinɛ ge ku ka pa’alɛ ti nɛra n yeen bɔna pu’usegɔ poan n wan basɛ ti Naayinɛ puurɛ pee. Nɛra san wan basɛ ti Naayinɛ puurɛ pee, la nara ti a tara a pu’usegɔ yɛla la tuna tuuma a vom poan. Makerɛ, Baabule la yeti: “To Sɔ Na’ayenɛ n bote te nɛreba dɔla en se’em n wana. A bote to soŋora keebehe la pɔkɔnpa sɛba n namehe ge me da bahɛ te teŋa wa woo nɛreba sagom tɔ.”​—Yames 1:​27, tiŋanɔɔrɛ yelesum, nwt.