KANBIỌ 10
Etẹwẹ Yin Opagbe Biblu Tọn Gando Sọgodo Go?
“Dodonọ lẹ wẹ na dugu aigba tọn, yé nasọ nọgbẹ̀ to e ji kakadoi.”
“Aigba gbọṣi aimẹ kakadoi.”
“Ewọ na ze okú mì kakadoi, Oklunọ Nupojipetọ Jehovah na súnsún dasin sẹ̀ sọn nukun lẹpo mẹ.”
“To ojlẹ enẹ mẹ, nukun nukuntọ́nnọ lẹ tọn na yin hùnhùn, bọ otó tókunọ lẹ tọn na nọ sènu. To ojlẹ enẹ mẹ, sẹkunọ na nọ lọ́n di agbanlin, bọ odẹ́ unbọpẹnnọ tọn na nọ yí ayajẹ do dawhá. Na osin na nọ ví jẹgbonu susugege to danfafa ji, podọ asisa osin tọn lẹ to dankló ji.”
“Ewọ [na] súnsún dasin lẹpo sẹ̀ sọn nukun yetọn mẹ, okú ma nasọ tin ba, mọjanwẹ aluẹmẹninọ kavi avi kavi awufiẹsa ma nasọ tin ba. Onú hoho lẹ ko juwayi.”
“Yé na gbá ohọ̀ lẹ bo nasọ nọ nọ̀ yé mẹ, yé na do vẹngle lẹ bo nasọ nọ dù sinsẹ́n yetọn. Yé ma na gbá bọ mẹdevo na wá nọ e mẹ, mọ yé ma na do bọ mẹdevo na wá dù. Na azán omẹ ṣie lẹ tọn na taidi azán atin de tọn, podọ mẹdide ṣie lẹ na nọ duvivi azọ́n alọ yetọn lẹ tọn to gigọ́ mẹ.”
