Salmu 75:1-10
-
Jiwheyẹwhe nọ dawhẹ jijlọ
-
Mẹylankan na nù kọfo Jehovah tọn (8)
-
Na anademẹtọ hànjitọ lẹ tọn. Ni yin jiji sọgbe hẹ nuhiho he nọ yin “A Hù Mi Sudo Blo.” Ohàn Asafi tọn.+
75 Mí dopẹna we, Jiwheyẹwhe E, mí dopẹna we;Oyín towe tin hẹ mí,+Gbẹtọ lẹ sọ nọ lá azọ́njiawu towe lẹ.
2 Hiẹ dọmọ: “Eyin n’de ojlẹ de,N’nọ dawhẹ jijlọ.
3 Whenue aigba po mẹhe nọ nọ̀ e ji lẹpo po gbọn obu dali yọ́,Yẹn wẹ hẹn dòtin etọn lẹ lodo.” (Sela)
4 Yẹn dọna awagundotọ dọ, “A doawagun ba blo,”
Podọ na mẹylankan dọ, “A sọ ze dewe daga na huhlọn* towe wutu blo.
5 A ze dewe daga na huhlọn* daho towe wutu bloKavi a dọho po goyiyi po blo.
6 Na zizedaga mẹde tọn ma nọ wáSọn whèzẹtẹn kavi whèyihọ kavi hùwaji gba.
7 Na Jiwheyẹwhe wẹ Whẹdatọ.+
E nọ hẹn mẹde wá odò bo nọ ze mẹde daga.+
8 Na kọfo de tin to alọ Jehovah tọn mẹ;+Ovẹn lọ ko to fúnyẹ̀n bo ko sọ yin fuflusọ ganji.
E họnwun dọ ewọ na kọ̀n ẹn jẹgbonu,Bọ mẹylankan aigba ji tọn lẹpo wẹ na nù in, yèdọ kakajẹ owhà etọn ji.”+
9 Ṣigba na yẹn tọn, yẹn na nọ lá ẹ kakadoi;Yẹn na nọ jihàn pipà tọn lẹ hlan Jiwheyẹwhe Jakọbu tọn.
10 Na ewọ ko dọmọ: “Yẹn na sán huhlọn* mẹylankan tọn lẹpo sẹ̀,Ṣigba, huhlọn dodonọ tọn na yin zizedaga.”
