nọ lẹndọ eyin mẹde to yaji to egbé, be nuhe e wà to whenue e nọgbẹ̀ wayi sin ahọsu wẹ e te. Amọ́, eyin mẹlọ dovivẹnu nado nọla na nuhe ma sọgbe lẹ, ehe na zọ́n bọ e na jẹ edekannu, enẹ wẹ moksha, bo ma nasọ yin vivọji ba.

nọ lẹndọ ylando wẹ nọ zọ́n bọ gbẹtọ nọ jiya, podọ yajiji sọ nọ tẹ́n yise mẹtọn pọ́n. Weyọnẹntọ Sayyid Syeed he yin ogán Malenu lẹ tọn to Agewaji Amelika tọn dohia dọ oyà nọ flin mí dọ “mí dona nọ dopẹna Jiwheyẹwhe na dagbe he e wà na mí lẹ bo yọnẹn dọ mí dona nọ gọalọna wamọnọ lẹ.”

nọ plọnmẹ dọ walọ mítọn wẹ nọ zọ́n bọ mí nọ jiya. Ju delẹ nọ dọ dọ fọnsọnku de na tin, bọ yè na dawhẹ dodo na homẹvọnọ lẹ. Ju devo lẹ nọ plọnmẹ dọ gbẹtọ nọ vọjọ whlasusu, ehe nọ zọ́n bọ e gán jla nuṣiwa etọn lẹ do.

yise dọ gbẹtọvi lẹ nọ jiya to whedepopenu he yé vọjọ, kakajẹ whenue yé jo linlẹn po aṣa ylankan yetọn lẹ po do. Enẹwutu, mẹlọ dona wleawuna nuyọnẹn, jijọ dagbe bosọ nọ duto ede ji, gbọnmọ dali e na jẹ nirvana (edekannu) bo ma nasọ jiya ba.

nọ lẹndọ “ma-yọ́n-wà gbẹtọ lẹ tọn po nuṣiwa yetọn lẹ po” wẹ nọ hẹn suhugan oyà he yé nọ ji lẹ tọn wá, wẹ owe de dọ. (A Dictionary of Comparative Religion) Yé yise dọ oyà enẹ gán gbọ jẹ obá de mẹ eyin mí nọ wà dagbe, etomọṣo gbigbọ delẹ wẹ nọ hẹn suhugan oyà he mí nọ ji lẹ tọn wá, enẹ wẹ “huhlọn he yiaga hú mí bọ nukun ma gán mọ lẹ. Enẹwutu, gbẹtọ dona nọ kẹalọyi nuhe gbigbọ enẹlẹ kàn do e ji.”

nọ dọ dọ azétọ lẹ wẹ nọ sayanamẹ. Yé yise dọ azétọ lẹ gán hẹn nudagbe kavi nuylankan wá mí ji bọ eyin yè sanvọ́ na yé, enẹ gán de oyà lọ pò. Enẹwutu, eyin mẹde to azọ̀njẹ, avọ́ he bokọnọ lẹ sán do ota etọn mẹ po amasin he yé na ẹn po gán hù aṣẹ na huhlọn azétọ lẹ tọn.

nọ plọnmẹ dọ ylando he gbẹtọvi awe tintan lẹ wà wẹ zọ́n bọ mí to yaji, dile Biblu dohia do to owe Jenẹsisi tọn mẹ. Amọ́, sinsẹ̀n Klistiani tọn susu ko sọ yí linlẹn yetọn titi lẹ dogọ. Di apajlẹ, sinsẹ̀n Katoliki tọn delẹ nọ dọ dọ oyà yin ‘avọ́ de he yè gán whlé Jiwheyẹwhe,’ na ewọ nido wàlẹblanuna ṣọṣi lọ kavi mẹdevo lẹ bo whlẹn yé.