Naegbọn Kunnudetọ Jehovah Tọn lẹ Ma Nọ Yí Satin Zan to Sinsẹ̀n-Bibasi Yetọn Mẹ?
Mẹsusu wẹ nọ pọ́n satin hlan taidi onú tangan he yè do nọ yọ́n Klistiani de. Dile etlẹ yindọ Klistiani wẹ mí yin, Kunnudetọ Jehovah tọn lẹ ma nọ yí satin zan to sinsẹ̀n-bibasi mítọn mẹ. Etẹwutu?
Whẹwhinwhẹ́n dopo wẹ yindọ Biblu dohia dọ Jesu ma kú do satin de ji ṣigba do pòtin tata de ji. Humọ, Biblu na avase Klistiani lẹ sinsinyẹn nado “họ̀nna boṣiọ-sinsẹ̀n,” ehe zẹẹmẹdo dọ yé ma dona yí satin zan na sinsẹ̀n-bibasi.—1 Kọlintinu lẹ 10:14; 1 Johanu 5:21.
Jesu zinnudeji tlọlọ dọmọ: “Gbọn ehe dali wẹ mẹlẹpo na yọnẹn dọ devi ṣie lẹ wẹ mì yin, eyin mì tindo owanyi to mìde ṣẹnṣẹn.” (Johanu 13:34, 35) Gbọnmọ dali, Jesu to didohia dọ owanyi mẹde-yido-sanvọ́ tọn wẹ na dohiagona hodotọ nugbo etọn lẹ—e ma yin satin kavi boṣiọ nudevo depope gba.
A Gán Sọ Pọ́n Hosọ Ehelẹ
NUPLỌNMẸ TANGAN BIBLU TỌN LẸ
Be Jiwheyẹwhe Kẹalọyi Dọ Mí Ni Nọ Zan Boṣiọ lẹ Do Sẹ̀n Emi Ya?
Be yé gán gọalọna mí nado vẹ́ po Jiwheyẹwhe he mí ma nọ mọ nukun-sọ-nukun po ya?
NUHE BIBLU PLỌN MÍ
Tẹ́n Tito Biblu Pinplọn Tọn Mítọn Pọ́n
A gán plọnnu vọnu hẹ mẹplọntọ de nukun sọ nukun nado mọ ayinamẹ sinai do Biblu ji lẹ yí.