Oflin Okú Jesu Tọn
Samedi 12 avril 2025
Whladopo to owhe mẹ, Kunnudetọ Jehovah tọn lẹ nọ basi hùnwhẹ oflin okú Jesu tọn sọgbe hẹ gbedide he e na dọ: “Mì nọ wà ehe to oflin ṣie mẹ.”—Luku 22:19.
Mí to oylọ-basina we nado wá nujijọ ehe tẹnmẹ
Kanbiọ He Mẹsusu Nọ Kanse Lẹ
Ojlẹ nẹmu wẹ tito lọ na dẹn na?
E na dẹn na nudi gànhiho dopo.
Fie wẹ e na yin bibasi te?
Dọnsẹpọ Kunnudetọ Jehovah tọn he to lẹdo towe mẹ lẹ nado mọ nudọnamẹ yí dogọ.
Be n’dona sú akuẹ de whẹpo do wá wẹ ya?
Eyeo.
Be mì nọ ṣinyan akuẹjọ wẹ ya?
Eyeo.
Nawẹ n’dona sọnú do?
Dile etlẹ yindọ nusisọ́ tangan de ma tin na nujijọ ehe, Kunnudetọ Jehovah tọn lẹ nọ dovivẹnu nado hodo ayinamẹ Biblu tọn nado nọ sọnú to aliho he to jlẹkaji bo jẹna sisi de mẹ. (1 Timoti 2:9) E ma biọ dọ a ni sọnú akuẹgegenu tọn de kavi sọnú to aliho tangan de mẹ
Nawẹ nulẹ nọ yì do to Oflin lọ whenu?
To bẹjẹeji podọ to vivọnu opli lọ tọn, mí nọ jihàn bọ lizọnyizọnwatọ Kunnudetọ Jehovah tọn lẹ tọn de nọ hodẹ̀. Adà titengbe Oflin lọ tọn wẹ hodidọ de he na do nujọnu-yinyin okú Jesu tọn hia gọna lehe mí gán mọaleyi sọn nuhe Jiwheyẹwhe po Klisti po ko wà do ota mítọn mẹ do.
Nado mọ nudọnamẹ lẹ dogọ, pọ́n hosọ lọ “Naegbọn Kunnudetọ Jehovah Tọn lẹ Ma Nọ Basi Hùnwhẹ Tenu-Núdùdù Oklunọ Tọn to Aliho Dopolọ mẹ hẹ Sinsẹ̀n He Pò Lẹ?”
Whetẹnu wẹ hùnwhẹ Oflin tọn na yin bibasi te to owhe he ja lẹ mẹ?
2025: Samedi 12 avril
2026: Jeudi 2 avril
A Gán Sọ Pọ́n Hosọ Ehelẹ
OFLIN
Flin Okú Jesu Tọn
Mí yí zohunhun do basi oylọna we nado wá kọnawudopọ hẹ mí to nujijọ vonọtaun ehe whenu. A na mọ lehe gbẹzan po okú Jesu tọn po sọgan hẹn ale wá na we do.
NUPLỌNMẸ TANGAN BIBLU TỌN LẸ
Naegbọn Jesu Do Kú?
To Biblu mẹ, okú Jesu tọn yin nujọnu taun. Be okú etọn tindo lẹndai de ya?