Beteli niba tuuni tuonli buoli kuli, ke u laabaaliŋamo kpaanma n yaa caa liiga bi dogu nni leni dogu toaba nni. Bi pia tilebida caga, ki pia yaaba n ñandi laa tila, ki pia yaaba n tuuni laa tila dogu toaba nni, bi go pia yaaba n tiendi videos leni CD.

Beteli kuli pia gobidikaaba. Li gobiditaanli liiga yaaba cagili gandi nikpeliba yaaba n pia mi banma, ke bani n diidi li tuonli n cuoni maanma Beteli nni. Bi yii-​ba Beteli gobidikaaba. Laa nikpeliba dangi li gobiditaanli liiga yaaba cagili a tila, ki wangi-​ba li tuonli n caa liiga maanma leni ban pia yaa paka bi tuonli nni. Laa tila todi li gobiditaanli liiga yaaba cagili n bandi bee maama ke bi ba maadi a tila nni, a taana leni a taancianma yogunu. Li gobiditaanli liiga yaaba cagili go gandi bi jaba ke bi caa diidi Beteli yaaba n ye ŋanduna kuli nni. Bi puuni i tundi laa Beteli gobidikaaba, ki todi-​ba ke bi ŋanbidi bi tuonli. (Mi Kpanjama 11:⁠14) Laa yogunu bi tiendi mi maadikaama bi kpiiba po yaaba n ye laa dogu nni.

Beteli todi a nitaana. Beteli gobidikaaba diidi bi dogu nni nitaanpaana luodima, bi diidi yua n baa fidi tua nikpelo, bi ki tua nikpelo todika laa nitaanli nni. Bi diidi bi sanuluodiba, missionnaires leni a nitaancianma goandikaaba n tuuni maanma. Bi go ŋua diidi a taancianma n baa tieni maanma, leni ban maa a Diemdiepaana maanma. Beteli gobidikaaba go diidi ke li nitaanli kuli baadi a tila leni yaala n tie tiladi bipo. Ban tuuni yaa tuonli kuli Beteli nni todi ke u laabaaliŋamo kpaanma tuonli n da cuoni sinsinna.​—⁠Korenti Yaaba Tikpiali 14:⁠33, 40.

• Beteli gobidikaaba tuuni bee tuonli ki todi li gobiditaanli liiga yaaba cagili?

• Bi tuuni bee tuonli Beteli nni?