CAGILI 6

Be labaaliŋamu n ye bi tinpkiba po?

ÉCOUTER EN

1. U labaaliŋamu n ye bi tinpkiba po bɩ?

Dayenli Jesu danli lasala, yua n den ye betani dogu nni yua n ku leni Jelusalema yeni kpe. Wani den kpe dana naa po ke Jesu den gedi lipo. Jesu den yegi leni Malata leni Maliyama yua kpe nataanpuoba ki gedi o kuli po. Laa den waagi ke bi niba boncianla den taani leni ba. Jesu faadi lasala. Malata leni Maliyama pala den mangi boncianla.—Cogi mani Jan 11:21-24, 38-44.

Malata den bani ke labaaliŋamu n ye bi tinpkiba po. O den bani ke Jeova ba ti faadi bi tinkpiba, bani n goa yaa ye ki tinga po.—Cogi mani Isayi 26:19.

2. Nilo yaa kpe, o go bani bonla bi?

U Tienu den yedi Adama: a tie mi tama ki go ba guani mi tama nni.—MI CILIMA 3:19.

U Tienu tagi o ninsaalo leni ki tinga tama. (Mi Cilima 2:7; 3:19) O kuuma puoli o ninsaalo naa pia naano yua n baa ye ba. Nilo yaa kpe, o yukanbiedi bodi, o kan go fidi tia ba. Lani n cedi ke lasala kuuma fiima puoli, waa yedi ke o den la bonla ba, kelima bi tinkpiba ki bani pukuli.—Cogi mani O Yanfodaano 9:5, 6, 10 leni Pisoma 146:4.

U Tienu kuandi bi niba o fantanbuogu nni bi? Bibili yedi ke bi tinkpiba ki bani li bakuli. Lanwani ban yedi ke U Tienu yen kuani bi niba o fantanbuogu nni tie faama. Bi biidi U Tienu yeli. Ki siagi nilo leni mi fantama, tie U Tienu n nani yaala.—Cogi mani Jelemi 7:31.

3. Bi tinkpiba ba fidi maadi leni ti bi?

Nilo yaa kpe waa go maadi, wa go gba. (Pisoma 115:17) Malekinba tiama n yie U Tienu ki tua nibiada. Bi ba fidi maadi leni bi niba ke li tie nani bi tinpkiba n maadi leni ba. (Pieli Tilieli 2:4) Jeova bili ke tin daa maadi leni bi tinpkiba ba.—Cogi mani Mi Tiadima 18:10, 11.

4. Ŋme n ba ti faadi?

Bi niba boncianla yaaba n kpe ba ti faadi ki diedi ki tinga. Yaaba n den tiendi mi biadima ki naa bandi U Tienu ban mako ba ti faadi.—Cogi mani Matiyu 5:5; Jesu Tondiba Tuona 24:15.

Yaaba n ba ti faadi yeni baa ba ban todi-ba ban bandi U Tienu, ki daani Jesu, ki go tuo O. (Mi Doagidima 20:11-13) Yaaba n ba tuo ki tieni U Tienu yanbuama ba ti yaa ye ki tinga po yogunu kuli.—Cogi mani Jan 5:28, 29.

5. Bi tinpkiba fiima wangi ti be Jeova po?

U Tienu n tuo ke o biga kpe yeni, lani n cedi ke bi tinpkiba ba ti faadi. Lanwani bi tinpkiba fiima tie ñalibalika cianli. Li go waani ke U Tienu bua bi ninsaaliba. Yi na n jegibi ki bua le ŋme bi tinpkiba fiima yogunu?—Cogi mani Jan 3:16; Loma Yaaba 6:23.

U laabaaliŋamu yua ñani U Tienu kani!