HAʻAWINA 5
Ka Wā o Ka Wai Hālana Nui—ʻO Wai ka Mea i Hoʻolohe i ke Akua?
I ka wā o Noa, hana hewa ka hapa nui o ka poʻe. Kinohi 6:5
He mau keiki kā ʻAdamu a me ʻEva. Ua hoʻomāhuahua kā lāua keiki i ka honua. Ma hope aku, ua kūʻē pū kekahi mau ʻānela me Sātana.
Ua hele ihola kēlā mau ʻānela i ka honua a lilo i poʻe kāne. Ua male lākou i nā wāhine. Ua hānau ʻia nā keiki kāne nunui. Ua weliweli a ikaika lākou.
Ua piha ka honua me ka poʻe hewa. ʻŌlelo ka Paipala, “he nui ka hewa o kānaka ma ka honua, a ua hewa wale nō ka noʻonoʻo ʻana o kona naʻau, āna i manaʻo ai i nā lā a pau.”
Ua hoʻolohe ʻo Noa i ke Akua, a ua hana ʻo ia i ka hale lana. Kinohi 6:13, 14, 18, 19, 22
He kanaka pono ʻo Noa. Ua haʻi ʻo Iēhova iā Noa, e luku ana au i ka poʻe hewa i ka wai hālana nui.
Ua haʻi ʻo Iēhova iā Noa e hana i ka hale lana a e hoʻākoakoa i kona ʻohana a me nā holoholona like ʻole a pau.
Ua haʻi ʻē ʻo Noa i ka poʻe no ka wai hālana e hiki mai ana, akā ʻaʻole lākou i hoʻolohe. Ua ʻakaʻaka kekahi poʻe iā Noa, a ua inaina kekahi iā ia.
Ma hope o ka hana ʻana i ka hale lana, ua lawe mai ʻo Noa i kona ʻohana a me nā holoholona i loko o ka hale lana.
