HAʻAWINA 13
He Aha ka Nū Hou Maikaʻi no ka Hoʻomana?
1. Maikaʻi nā hoʻomana a pau?
He poʻe me ka naʻau maikaʻi i nā hoʻomana a pau. Aloha ke Akua i kēlā mau poʻe. Akā, hana ʻino kekahi mau hoʻomana a kākoʻo lākou i ka hana ʻino. (2 Korineto 4:3, 4; 11:13-15) Wahi a ka nū hou, kākoʻo kekahi mau hoʻomana i ka mea ʻino e like me ke kaua a me ka puʻe wale no nā keiki. Ma muli o kēlā, kaumaha loa ka poʻe me nā naʻau maikaʻi.—E heluhelu iā Mataio 24:3-5, 11, 12.
Kaumaha loa ke Akua i ka hoʻomana hoʻopunipuni no ka mea, aʻo aku lākou i nā mea hewa. ʻAʻole lākou aʻo aku i nā manaʻo i ka Paipala. Aʻo aku lākou i nā mea ʻino e pili ana i ke Akua a me ka poʻe make. Makemake ʻo Iēhova i ka poʻe e ʻike i ka ʻoiaʻiʻo nona.—E heluhelu iā ʻEzekiʻela 18:4; 1 Timoteo 2:3-5.
2. He aha ka nū hou maikaʻi no ka hoʻomana?
Ua hoʻomaka ka hoʻomana hoʻopunipuni ma hope o ka wā o Noa i kekahi kūlanakauhale i kapa ʻia ʻo Babulona. Wahi a ka Paipala, ʻo nā hoʻomana hoʻopunipuni a pau ʻo Babulona Nui. ʻŌlelo nā hoʻomana hoʻopunipuni a pau, aloha lākou i ke Akua. Akā, aloha maoli lākou i ke ao a Sātana. ʻAʻole piliwi ke Akua iā lākou. ʻAʻole ʻae ʻo Iēhova i ko lākou hoʻomana. (Iakobo 4:4) No laila, e luku ana ke Akua i nā hoʻomana hoʻopunipuni no ka mea hoʻokaumaha lākou i ka poʻe.—E heluhelu iā Hōʻike ʻana 17:1, 2, 5, 16, 17; 18:8.
ʻAʻole poina ʻo Iēhova i ka poʻe kūpono i loko o ka hoʻomana hoʻopunipuni. Hui pū ʻo ia i ka poʻe ma o ke aʻo ʻana aku i ka ʻoiaʻiʻo. He nū hou maikaʻi kēia!—E heluhelu iā Mika 4:2, 5.
3. He aha ka hana a ka poʻe me nā naʻau maikaʻi?
Hui pū ka hoʻomana ʻoiaʻiʻo i ka poʻe
Mālama ʻo Iēhova i ka poʻe aloha i ka mea pono a makemake e hana pono. Makemake ʻo ia iā lākou e haʻalele i nā hoʻomana hoʻopunipuni. Ma muli o ko lākou aloha no ke Akua, hoʻololi lākou e hoʻohauʻoli iā ia.—E heluhelu iā Hōʻike ʻana 18:4.
I ke kenekulia mua, ke lohe ka poʻe me nā naʻau maikaʻi i ka nū hou maikaʻi, ua pane mai lākou me ka ʻoliʻoli. Ua hauʻoli ka poʻe kūpono e hoʻololi i ko lākou ola no ka mea, ua loaʻa iā lākou ka manaʻolana a me ke kumu no ke ola. I kēia wā, hiki iā kākou ke hahai i ko lākou kumu hoʻohālikelike maikaʻi ma o ko kākou hoʻolohe ʻana i kēia nū hou maikaʻi.—E heluhelu iā 1 Tesalonike 1:8, 9; 2:13.
No ka poʻe e haʻalele nei i nā hoʻomana hoʻopunipuni, welina mai ʻo Iēhova iā ʻoe e komo i loko o kona ʻohana. Inā ʻae ʻoe i ke kono, e loaʻa ana iā ʻoe ka ʻohana hou, ka pilialoha me ia, a me ke ola mau loa.—E heluhelu iā Mareko 10:29, 30; 2 Korineto 6:17, 18.
4. Pehea e hāʻawi mai ai ke Akua i ka ʻoliʻoli i kēlā me kēia ʻāina?
ʻO ka luku ʻana o ka hoʻomana hoʻopunipuni ka nū hou maikaʻi. Ma muli o kēia, ʻaʻohe kaumaha, ʻaʻohe kaʻawale, ʻaʻohe alakaʻi hewa. Hoʻokuʻu ʻo Iēhova i nā kānaka a pau o ke ao nei mai nā hewa a pau. Hui pū kākou a pau i ka lōkahi e hoʻomana i ke Akua maoli wale nō.—E heluhelu iā Hōʻike ʻana 18:20, 21; 21:3, 4.
