yashayah 62:1-12
-
siyyon ka naya naam (1-12)
62 main siyyon ki khaatir tab tak chup nahin rahoonga,+yarooshalem ki khaatir tab tak shaant nahin baithoonga,jab tak uski neki tez raushni ki tarah nahin chamakti,+jab tak uska uddhaar jalti mashal ki tarah nahin dikhta.+
2 “hey aurat, desh-desh ke log teri nekiaur sab raja teri shaan dekheinge.+
tujhe ek naye naam se bulaya jaayega,+us naam se, jo khud yahova tujhe dega.
3 tu yahova ke haath mein khoobsoorat taajaur apne parmeshvar ke haath mein shaahi pagdi thehregi.
4 tujhe fir kabhi chhodi hui aurat nahin kaha jaayega,+na kabhi tere desh ko ujaad kaha jaayega,+balki tujhe is naam se bulaya jaayega, ‘meri khushi usmein hai’+
aur tere desh ko ‘byahi hui’ kaha jaayega,kyonki yahova tujhmein khushi paayegaaur tera desh aisa hoga maano uski shaadi hui ho.
5 jaise ek javan aadmi kisi kunvari se shaadi karta hai,vaise hi tere log tujhse shaadi kareinge.
jaise doolha apni dulhan paakaar foola nahin samata,vaise hi tera parmeshvar tujhe paakaar foola na samayega.+
6 hey yarooshalem, teri sheharpanah par mainne pehredar bithaye hain.
woh kabhi chup nahin raheinge, fir chahe din ho ya raat.
hey yahova ki taareef karnevalo,chain se mat baitho,
7 use pukarte raho, jab tak ki woh yarooshalem ko mazbooti se kaayam na kar de,jab tak ki woh poori dharti par us nagri ka naam na faila de.”+
8 yahova ne apna daayaan haath, apna shaktishali baazoo uthakar yah shapath khaayi hai,
“main fir kabhi tera anaj dushmanon ko nahin khaane doonga,na pardesi teri nayi daakh-madira peeyenge, jiske liye toone kadi mehnat ki hai.+
9 magar anaj batornevale hi use khaayenge aur yahova ka gungan kareinge,angoor ikattha karnevale hi mere pavitra aanganon mein ise peeyenge.”+
10 nikaal jaao, faatkon se baahar nikaal jaao!
logon ke liye raasta taiyar karo,+pattharon ko hatakar raajmarg banao,+desh-desh ke logon ke liye jhanda khada karo.+
11 suno! yahova ne dharti ke chhor tak ailan kiya hai,“siyyon ki beti se kaho,‘tera uddhaar honevala hai!+
dekh! parmeshvar apne saath inam lekar aa raha hai,jo mazdoori woh dega, woh uske paas hai.’”+
12 woh yahova ke chhudaye huye, uske pavitra log kehlayenge+aur tere baare mein kaha jaayega ki ‘tu apnayi gayi hai, tu woh nagri hai jise parmeshvar ne nahin tyaga.’+
