yirmayah 4:1-31
4 yahova ailan karta hai, “hey israel, agar tu laut aaye,mere paas laut aayeaur apni ghinauni moortein mere saamne se hata de,to tu bhagoda bankar firta nahin rahega.+
2 agar tu sachchai, nyay aur neki se yah kehkar shapath khaaye,‘yahova ke jeevan ki shapath!’
to raashtra parmeshvar se aasheesh paayenge*aur uske kaaran garv kareinge.”+
3 kyonki yahova, yahooda ke logon aur yarooshalem se kehta hai,
“tum zameen joto, use upjaoo banao,kaanton ke beech bona chhod do.+
4 yahooda aur yarooshalem ke logo,yahova ke liye apna khatna karo,apne dilon ki khaldi nikaal feinko,+nahin to tumhare dusht kaamon ki vajah semera krodh aag ki tarah bhadak uthegaaur use koi bujha na sakega.”+
5 yahooda mein is baat ka ailan karo,yarooshalem mein yah sandesh sunao.
poore desh mein narsinga foonko, chilla-chillakar batao.+
pukar-pukarkar kaho, “chalo hum sab ikattha ho jaayenaur kileband shehron mein bhaag jaayen.+
6 siyyon ka raasta dikhanevala ek jhanda khada karo.
khade mat raho, koi aasra dhoondho,”
kyonki main uttar se ek kehar dhaanevala hoon,+ ek badi vipatti laanevala hoon.
7 dushman aise nikala hai jaise sher jhaadi mein se paayenge hai,+raashtron ko tabah karnevala chal pada hai.+
woh apni jagah se ravana ho chuka hai taaki tumhare desh ka aisa hashra kare ki dekhnevalon ka dil dehal jaaye.
tumhare shehar khandhar bana diye jaayenge, unmein ek bhi nivasi nahin rahega.+
8 isliye taat odho,+maatam manao,* zor-zor se ro-o,kyonki yahova ke krodh ki aag hamse door nahin hui hai.
9 yahova ailan karta hai, “us din raja himmat* haar jaayega,+haakim bhi himmat* haar jaayenge,yaajak khauf khaayenge aur bhavishyavaktaon ke hosh ud jaayenge.”+
10 fir mainne kaha, “hey saare jahan ke maalik yahova, kitna bura hua! toone vaakai in logon ko aur yarooshalem ko yah kehkar dhokha diya,+ ‘tumhein shaanti milegi,’+ jabki talvar hamari gardan par hai.”
11 us samay in logon se aur yarooshalem se yah kaha jaayega:
“registan ki sooni pahadiyon se jhulsanevali havamere logon ki beti* par chalnevali hai.
yah hava anaj fatakne ya saaf karne ke liye nahin aa rahi hai.
12 yah tez aandhi mere kehne par in jagahon se aayegi.
ab main unke khilaf faisla sunaunga.
13 dekh! dushman barsati baadal ki tarah aayega,uske rath bhayanak aandhi ki tarah hain.+
uske ghode ukabon se bhi tez hain.+
haay, hum barbad ho gaye!
14 hey yarooshalem, apne dil se dushtata nikaalkar use saaf kar taaki tu bach sake.+
tu kab tak apne man mein bure vichar paalti rahegi?
15 kyonki daan se ek aavaz khabar de rahi hai,+woh epraim ke pahadon se vipatti ka sandesh suna rahi hai.
16 haan, raashtron ko khabar bhejo,yarooshalem ke khilaf sandesh sunao.”
“ek door desh se kuch bhediye* aa rahe hain,woh yahooda ke shehron ke khilaf yuddh ka ailan kareinge.
17 woh khet ke rakhvalon ki tarah use chaaron taraf se gher leinge,+kyonki usne mujhse bagavat ki hai.”+ yahova ka yah ailan hai.
18 “tujhe apne hi chaalchalan aur kaamon ka anjam bhugatna padega.+
teri tabahi kya hi dardnak hai,kyonki yah tere dil ki gehrai tak samaya hua hai!”
19 haay, yah dard!* haay, yah dard!
mere dil mein tez dard uthta hai.
mera dil zor-zor se dhadak raha hai.
main chup nahin reh sakta,kyonki mainne narsinge ki aavaz suni hai,yuddh ka bigul* suna hai.+
20 jagah-jagah se tabahi ki khabar aa rahi hai,kyonki poora desh naash kiya jaa raha hai.
achanak mere apne tamboo naash kar diye gaye hain,pal-bhar mein hi mere tamboo naash kar diye gaye hain.+
21 main aur kab tak jhanda dekhta rahoon,narsinge ki aavaz sunta rahoon?+
22 “mere log moorkh hain,+ woh mujh par bilkul dhyan nahin dete.
mere bete bevkoof hain, unhein zara bhi samajh nahin hai.
woh bure kaam karne mein to bade hoshiyar* hain,magar bhale kaam karna unhein aata hi nahin.”
23 main desh ko dekhkar dang reh gaya!
woh bilkul ujad gaya tha, sunsan ho gaya tha.+
mainne aakash ki or taaka to dekha ki usmein koi raushni nahin thi.+
24 pahadon par nazar daali to dekhkar dang reh gaya!woh kaanp rahe the, pahadiyaan dol rahi thi.+
25 main yah dekhkar dang reh gaya ki ek insan tak nahin tha!aakash ke saare panchhi ud gaye the.+
26 main yah dekhkar dang reh gaya ki falon ka baag veeran ho gaya tha,uske saare shehar dhaa diye gaye the!+
yah sab yahova ne kiya,uske krodh ki aag bhadak uthi thi.
27 kyonki yahova ne kaha hai, “saara desh ujaad diya jaayega,+magar main use poori tarah khaak mein nahin milaunga.
28 is vajah se desh maatam manayega+aur oopar aakash andhera ho jaayega.+
aisa isliye hoga kyonki mainne kaha hai, mainne faisla kiya hai,mainne jo socha hai use nahin badloonga,* na hi peechhe hatoonga.+
29 ghudsavaaron aur teerandazon ka aana sunkarsaara shehar bhaag jaata hai.+
log ghani jhaadiyon mein jaa chhipte hain,chattanon par chadh jaate hain.+
saare shehar khaali ho gaye hain,koi unmein nahin rehta.”
30 ab jab tu ujad gayi hai, to tu kya karegi?
tu surkh laal kapde pehna karti thi,sone ke zevron se khud ko sanvarti thi,aankhon ko aur bada dikhane ke liye kaajal lagati thi.
magar tera yah saara sajna-sanvarna bekar gaya+kyonki jo apni havaas poori karne tere paas aate the unhonne tujhe thukra diya,ab woh teri jaan ke dushman ban gaye hain.+
31 mainne ek beemar aurat ke karahne jaisi aavaz suni hai,us aurat ke chillane jaisi aavaz jo pehali baar bachcha janti hai,mainne siyyon ki beti ki aavaz suni hai jo ek-ek saans ke liye haanf rahi hai.
woh apne haath failakar kehti hai,+ “haay, mere saath yah kya hua hai,kaatilon ne mujhe badhal karke chhoda hai!”
kai footnote
^ iska yah matlab ho sakta hai ki aasheesh paane ke liye unhein bhi kuch kadam uthane honge.
^ ya “apni chhaati peeto.”
^ shaa., “dil.”
^ shaa., “dil.”
^ shaayad daya dikhane ya hamdardi karne ke liye unhein ek beti ke roop mein bataya gaya.
^ shaa., “nazar rakhnevale” yaani woh jo shehar par nazar rakhte the ki kab us par hamla kiya jaaye.
^ shaa., “meri antadiyaan.”
^ ya shaayad, “yuddh ki lalkar.”
^ ya “buddhiman.”
^ ya “main pachhtava nahin mehsoos karoonga.”
