Sang Septiembre 6, 2021, nagbaha sa madamo nga lugar sa Mexico bangod sa mabaskog katama nga pag-ulan. Pagkaaga, gintay-ug sang magnitude 7.1 nga linog ang estado sang Guerrero kag naapektuhan man ang iban pa nga estado sa Mexico.

• Pagbaha

  • 61 ka kauturan ang nagbakwit

  • 2 ka Kingdom Hall ang may gamay nga guba

  • 68 ka balay ang may gamay nga guba

• Paglinog

  • 71 ka kauturan ang nagbakwit

  • 12 ka kauturan ang nasamaran

  • 42 ka Kingdom Hall ang may gamay nga guba

  • 220 ka balay ang may gamay nga guba

  • 76 ka balay ang may daku nga guba

  • 7 ka balay ang nawasak gid

• Pagbaha

  • Ang tanan nga kauturan nga nagbakwit nagadayon subong sa ila mga paryente

  • Ang mga kongregasyon didto naghatag sing 104 ka putos sang mga pagkaon sa mga naapektuhan sini nga kalamidad

• Paglinog

  • Ang mga kauturan nga nagbakwit nagadayon subong sa ila mga paryente ukon sa pareho nila nga mga Saksi

  • Ginbulong dayon ang mga kauturan nga nasamaran kag luwas na sila sa katalagman

Ang kalabanan sa mga kauturan nga naapektuhan sini nga mga kalamidad may mga go bag. Gani sang natabo ang kalamidad handa sila kag insigida nila nga ginsunod ang direksion sang mga awtoridad. Ginamonitor man sang mga manugtatap sang sirkito kag sang isa ka Disaster Relief Committee ang sitwasyon. Gina-shepherding man nila ang naapektuhan nga mga pamilya. Ginahimo nila ini samtang ginasunod nila ang mga safety protocol nga ginapatuman bangod sa COVID-19.

Sa sining tion sang kabudlayan, ang aton mga kauturan padayon nga nagasalig gid kay Jehova kag sa iya organisasyon. Sigurado kita nga padayon sila nga proteksionan kag atipanon ni Jehova.—Isaias 26:3.