MARSO 22, 2024
RUSSIA

Ginsentensiahan nga Guilty ang Otsentay-Singko Anyos nga si Brother Yuriy Yuskov

I-PLAY

Sang Marso 15, 2024, ginsentensiahan nga guilty sang Novocheboksarsk City Court of the Chuvash Republic si Brother Yuriy Yuskov. Nakabaton sia sang lima ka tuig nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Yuriy Yuskov

Natawo: 1938 (Selivanovskaya, Rostov Region)

Biograpiya: Nag-obra sia bilang isa ka welder

Ang asawa ni Yuriy nga si Lyudmila napatay sang 2019

Ang bata nga lalaki ni Yuriy amo ang una nga nangin Saksi ni Jehova sa ila pamilya. Nagpa-Bible study man si Yuriy. Nagdayaw gid sia sa paglaum nga pagkabanhaw nga ginasugid sang Biblia. Nabawtismuhan si Yuriy sang 2005

Ang Iya Ginsiling a

Paano mo nabatyagan ang bulig ni Jehova sang ginahingabot ka?

Nabal-an ko nga palangga kag ginasuportahan ni Jehova ang iya mga alagad, kag naeksperiensiahan ko gid ini sa espesyal nga paagi. Ginsabat ni Jehova ang akon mga pangamuyo nga hatagan ako sang kalinong sa hunahuna kag ginbuligan niya ako nga maintiendihan ang akusasyon sa akon kag kon ano ang nagakatabo sa korte. Bisan ang judge maayo gid ang pagtratar sa akon. Nakita niya nga nabudlayan ako sa pagtindog sa akon pulungkuan sa kada tion nga kinahanglan ko magsabat sa mga pamangkot. Gani, ginpasugtan niya ako nga magpungko na lang. Madamo nga kauturan halin sa iban nga siudad ang nagkadto para suportahan ako sa korte. Ang iban nagtawag ukon nagsulat, nga nagasiling: “Brother Yuriy, masarangan mo ’na! Kaupod mo si Jehova. Ginapangamuyo ka namon.” Subong, mas nangin suod pa gid ako kay Jehova, kag nagapasalamat ako sa iya kaluoy.

Nalipay gid kita sa halimbawa sang pagtuo kag pagbatas nga ginapakita sang aton tigulang nga mga kauturan pareho kay Yuriy. Nabal-an ta nga si Jehova indi gid magabiya sa ila kag padayon niya gid nga ipakita ang iya gahom sa ila.—Salmo 71:18, 19.

Time Line

Mayo 4, 2023

Ginsugdan ang kaso
Mayo 5, 2023

Gin-raid ang ila balay. Ginbutangan sang restriksion ang iya pagbiyahe
Enero 23, 2024

Ginsugdan ang hearing
Marso 15, 2024

Nagdesisyon ang korte nga guilty si Yuriy kag ginsentensiahan sia sang lima ka tuig nga suspended prison

a Ini nga interbyu ginhimo antes pa masentensiahan si Brother Yuskov.

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE