Hulubaton 29:1-27
29 Malain ang matabo sa tawo nga wala nagapamati* bisan makapila na sabdungon,+Kag indi na gid sia matabangan.+
2 Kon magdamo ang matarong, ang katawhan nagakalipay,Apang kon maggahom ang malauton, ang katawhan nagaugayong.+
3 Ang tawo nga luyag sang kaalam nagahatag sing kalipay sa iya amay,+Apang ang nagapakig-upod sa mga makihilawason nagauyang sang iya manggad.+
4 Paagi sa katarungan ginapalig-on sang hari ang iya ginharian,+Apang ginaguba ini sang tawo nga nagabaton sing hamham.
5 Ang tawo nga nagadayawdayaw sa iya isigkatawoNagaladlad sing lambat sa iya mga tiil.+
6 Ang malauton ginasiod sang iya kaugalingon nga sala,+Apang ang matarong nagahugyaw sa kalipay kag nagakasadya.+
7 Ang matarong nagaulikid sa kinamatarong sang mga imol,+Apang ang malauton wala nagakabalaka sa sini.+
8 Ang hambog nga mga tawo nagadabok sang kaakig sang banwa,+Apang ang mga maalamon nagapaugdaw sini.+
9 Kon ang maalamon nga tawo may panumbungon batok sa buangbuang,Indi niya matigayon ang kaayawan kay ang buangbuang nagawakal lang kag nagapangyaguta.+
10 Ginadumtan sang mga manugpatay ang wala sing sala,*+Kag ginatinguhaan nila nga kuhaon ang kabuhi* sang matarong.*
11 Ang buangbuang wala nagapugong sang iya balatyagon,*+Apang ginapunggan ini sang maalamon nga tawo.+
12 Kon ang manuggahom nagapamati sa kabutigan,Ang tanan niya nga alagad mangin malaut.+
13 Sa sini magkapareho* ang imol kag ang nagapamigos:
Pareho sila nga ginhatagan ni Jehova sing kabuhi.
14 Kon ang hari nagahukom sing matarong sa imol,+Ang iya trono mangin malig-on sa wala sing katubtuban.+
15 Ang bilugon* kag ang pagsabdong nagahatag sing kaalam,+Apang ang bata nga ginapabay-an nagapakahuya sa iya iloy.
16 Kon magdamo ang malauton, nagadamo man ang kalautan,Apang makita sang matarong ang ila pagkapukan.+
17 Disiplinaha ang imo anak kag magahatag sia sa imo* sing kalinong;Kag sing daku nga kalipay.+
18 Kon wala sing palanan-awon,* indi mapunggan ang mga tawo,+Apang malipayon ang mga nagatuman sang kasuguan.+
19 May alagad nga indi mo matudluan paagi lang sa paghambal sa iya,Kay bisan pa nahangpan niya ikaw, indi sia magtuman.+
20 Nakakita ka na bala sing tawo nga padasudaso maghambal?+
Mas may paglaum pa ang buangbuang sangsa iya.+
21 Kon ginapagustuhan mo lang ang imo alagad halin sang bata pa sia,Mangin wala sia sing kabalaslan sa ulihi.
22 Ang tawo nga madali maakig nagatuga sing pag-ilinaway;+Ang tawo nga madali magsingkal makahimo sing madamo nga sala.+
23 Ang matinaastaason paubson,+Apang ang mapainubuson padunggan.+
24 Ang tawo nga kaupod sang kawatan nagadumot sang iya kaugalingon.*
Bangod bisan kinahanglan sia magtestigo nagahipos lang sia.+
25 Ang kahadlok sa tawo isa ka siod,+Apang ang nagasalig kay Jehova pagaamligan.+
26 Madamo ang nagatinguha nga pamatian* sang manuggahom,Apang si Jehova ang magahatag sa tawo sing katarungan.+
27 Ginakangil-aran sang matarong ang malauton,+Apang ginakangil-aran man sang malauton ang matarong.+
Footnote
^ Sa literal, “tawo nga nagapatig-a sang iya liog.”
^ Ukon “wala sing kasawayan.”
^ Ukon “kalag.”
^ Ukon mahimo, “Apang ang matarong nagatinguha sa pag-amlig sa iya kabuhi.”
^ Sa literal, “espiritu.”
^ Sa literal, “nagatabuay.”
^ Ukon “disiplina; silot.”
^ Ukon “imo kalag.”
^ Ukon “matagnaon nga palanan-awon; bugna.”
^ Ukon “iya kaugalingon nga kalag.”
^ Ukon mahimo, “nagatinguha nga kahamut-an.” Sa literal, “nagapangita sang nawong.”
