Nakabulig Ini sa Report sa Eskwelahan

Ang isa ka bokasyonal nga eskwelahan sa Alemanya may madamo nga dumuluong nga mga estudyante. Gikan sila sa Bagatnan nga Aprika, Georgia, India, Lebanon, Poland, Pransia, Rusya, Ukraine, Vietnam, kag sa anay nga Yugoslavia.

Ang isa ka estudyante nagsulat: “Sang may higayon nga maghatag sing isa ka report sa eskwelahan, nagboluntaryo ako. Ang ginpili ko nga topiko amo ang ‘Praktikal nga mga Sabat sa mga Pamangkot Sang mga Pamatan-on,’ nga ginpasad ko sa libro nga Questions Young People Ask—Answers That Work. Naluyagan gid sang mga estudyante ang mga pamangkot nga ginlakip sa sini nga libro kag ang mapuslanon nga mga panugyan sini.

“Sang matapos ko ang akon report, nagpalakpak sing mabaskog ang mga estudyante bilang tanda sang ila apresasyon. Bangod tanan sila nagatuon sing mga lenguahe kag nakaintiende sing Ingles, nakapahamtang ako sa ila sing 30 ka kopya sang Ingles nga Young People Ask nga libro, kag ginhatagan ko man ang akon maestra sing isa ka kopya sa Aleman nga lenguahe.”

Pagligad sang pila ka adlaw, ginpadayon sini nga estudyante ang iya pagpakigsugilanon sa iya mga kabutho, kag nagpakita sila sing interes. Nakapahamtang sia sing dugang pa nga mga pasad sa Biblia nga literatura sa mga lenguahe nga Arabe, Bengali, Espanyol, Georgiano, Polaco, Ruso, kag Vietnamese.

Ayhan may kilala ka nga pamatan-on nga mahimo makabenepisyo sa libro nga Young People Ask. Lakip sa 39 ka kapitulo sini amo: “How Can I Make Real Friends?,” “What About Sex Before Marriage?,” kag “How Do I Know If It’s Real Love?” Makapangabay ka sing isa ka kopya paagi sa pagsulat sa kaupod nga kupon kag ipadala ini sa adres sa ubos ukon sa nagakaigo nga adres sa pahina 5 sini nga magasin.

□ Interesado ako nga makabaton sing kopya sang libro nga ginpakita diri.

□ Palihug kontaka ako tuhoy sa walay bayad nga pagtuon sa Biblia sa puluy-an.