PADAYON NGA MAGBANTAY!
Amat-amat nga Nagakaguba ang Duta—Ano ang Ginasiling sang Biblia?
“Madamo sing ginahimo ang mga tawo subong nga amo ang rason kon ngaa abnormal na gid ang klima kag sa ulihi maguba gid ang duta. Madamo nga dalagku nga siudad ang malapawan sang tubig. May matabo nga grabe nga mga heatwave kag makahaladlok nga mga bagyo. Madulaan man sing tubig ang madamo nga lugar kag maubos ang minilyon ka klase sang mga tanom kag sapat. Indi ini sugidsugid lang ukon sobra nga imahinasyon. Base sa pagtuon sang science, amo gid sini ang matabo kon indi pagbag-uhon sang mga gobierno ang ila paagi sa paggamit sang enerhiya.”—Siling ni António Guterres, ang secretary-general sang United Nations, parte sa report sang Intergovernmental Panel on Climate Change sang Abril 4, 2022.
“Nagapaandam ang mga scientist nga sa masunod nga mga tinuig, ang 423 ka national park [sa United States] mahalitan bangod sang abnormal nga klima kay grabe ang epekto sang pagtaas sang temperatura sa sini nga mga park. Ining malain nga mga butang nga puede matabo daw mga kalamidad nga pareho sa mabasa naton sa Biblia: kalayo kag baha, pagkatunaw sang madamol nga mga yelo, pagtaas sang nibel sang dagat kag mga heat wave.”—“Flooding Chaos in Yellowstone, a Sign of Crises to Come,” The New York Times, Hunyo 15, 2022.
Masolbar pa bala ang problema parte sa pagkaguba sang duta? Kon huo, sin-o ang masolbar sini? Binagbinaga ang ginasiling sang Biblia.
Gintagna ang paghalit sa duta
Ang Biblia nagasiling nga ang Dios ‘magalaglag sa mga nagalaglag sang duta.’ (Bugna 11:18) Ini nga bersikulo sa Biblia may ginatudlo sa aton nga tatlo ka butang:
1. Ang ginahimo sang mga tawo may daku nga halit sa duta.
2. Ang paghalit ukon pagguba sa duta matapos.
3. Ang Dios, indi ang mga tawo, ang magasolbar sang mga problema parte sa pagkaguba sang duta.
Mangin maayo ang palaabuton sang aton planeta
Ang Biblia nagasiling nga “ang duta nagapabilin tubtob sa wala sing katubtuban.” (Manugwali 1:4) May magaistar gid pirme sa duta.
“Ang mga matarong magapanubli sang duta, kag magapuyo sila sa sini sa wala sing katubtuban.”—Salmo 37:29.
Ang mga naguba sa aton planeta kay-uhon gid tanan.
“Ang kamingawan kag ang kigas nga duta magahugyaw, kag ang desyerto nga kapatagan magakalipay kag mapuno sing mga bulak.”—Isaias 35:1.
Basi Manamian Ka Man
ANG LALANTAWAN
Makay-o Pa Bala ang Duta nga Ginaguba sang Tawo?
Ginsugid sing abanse sang Biblia indi lang ang pagkaguba sang palibot subong, kundi kon ano man ang matabo sa sini sa ulihi.
SABAT SA MGA PAMANGKOT SA BIBLIA
Ano ang Ginasiling sang Biblia Parte sa Natural nga mga Kalamidad?
Silot bala ini halin sa Dios? Ginabuligan bala sang Dios ang mga biktima sang mga kalamidad?
IMPORTANTE NGA MGA PANUDLO SANG BIBLIA
Ngaa Gintuga sang Dios ang Duta?
Kanami gid sang pagtuga sang Dios sang aton duta. Insaktuhan lang ang distansia sini sa adlaw, hustuhan ang paghilay sini kag insaktuhan man ang kadasigon sang pagtiyog sini. Ngaa nagpangabudlay gid ang Dios sa pagtuga sang duta?
ANG LALANTAWAN
Ano ang Himuon sang Ginharian sang Dios?
Kabalo si Jesus nga ang Ginharian sang Dios amo lamang ang gobierno nga makasolbar sang mga problema sa duta. Ano na ang nahimo sang Ginharian nga nangin rason para saligan naton ini?
PARTE SA AMON
Mag-attend sa Miting
Hibalua ang ginahimo sa amon mga miting. Mangita sing lokasyon sang miting nga malapit sa imo.
