Tej thaud puas nyuaj rau koj nco tej uas koj twb kawm tag lawm? Koj yuav ua li cas yog tias muaj li no rau koj? Rov mus saib seb cov ntsiab lus yog li cas.

Thaum koj tab tom kawm Vajlugkub, koj yuav tau ib sij nres ib zaug es xav txog tej uas koj tab tom kawm ntawd. Tus tub txib Povlauj txhawb kom cov kwv tij nkauj muam ua li no thaum nyeem nws tsab ntawv. Nws hais tias: “Zaj uas peb tabtom hais no lub ntsiab lus tseemceeb hais tias.” (Henplais 8:1) Nws cov lus no pab tau kom lawv to taub tej uas nws hais thiab seb tej ntawd ho hais tau sib dhos li cas.

Tej zaud tom qab koj kawm tag, siv li kaum feeb los xav txog tej ntsiab lus uas koj tau kawm tag ntawd. Yog tias koj tsis nco qab lawm, rov mus nyeem cov ntsiab loj los sis nyeem thawj kab ntawm txhua nqe. Yog koj kawm tau ib yam tshiab, rov muab piav seb yog li cas rau li cas. Yog koj rov mus saib cov ntsiab lus ces yuav pab tau kom koj nco tej uas koj kawm thiab muab siv rau hauv koj lub neej.