Revareva Ginigunana Korinto Taudia Dekenai 5:1-13
5 Lau kamonai umui huanai matabodaga karana*+ ia vara. Unai bamona matabodaga karana* be Dirava diba lasi taudia huanai danu ia vara lasi. Tau ta be iena tamana ena adavana ida ia noho hebou karana unai.+
2 Bona unai umui moalelaia, a? To umui taitai be namo+ bona unai kara ia karaia tauna be emui huana amo umui atoa siri be namo, ani?+
3 Ena be lau be unuseniai lau noho lasi, to umui lau laloa noho, bona unai kara ia karaia tauna lau hahemaoro henia vadaeni, hegeregere unuseniai lau noho bamona.
4 Umui hebou neganai, namona be umui diba lau ese umui lau laloa bona Lohiabada Iesu ena siahu be umui ida ia noho. Unai dainai iseda Lohiabada Iesu ena ladanai,
5 unai tauna be Satani dekenai do umui henia be namo,+ iena kara dika ena siahu umui haorea totona, unai amo Lohiabada ena dina ai kongrigeisen taudia edia laloa dalana do umui gimaia.+
6 Umui emui hekokoroku karana be namo lasi. Umui diba lasi, a? Isti sisina ese paraoa ibounai ia hatubua.+
7 Isti gunana umui kokia, unai amo umui be paraoa matamata, oibe, umui dekenai isti ia noho lasi be namo. Oibe, Keriso, iseda Pasova mamoe+ be idia bouboulaia vadaeni.+
8 Unai dainai unai aria ita karaia be namo.+ Isti gunana ida lasi, eiava isti ida lasi, badina ia be dika bona kara dika ia laulaulaia, to isti lasi paraoa ida, badina ia be laloa momokani bona hereva momokani ia laulaulaia.
9 Lauegu revareva lalonai, umui lau hamaoroa matabodaga taudia* do umui bamoa lasi.
10 Lau gwau lasi, inai tanobada ena matabodaga taudia,*+ eiava mataganigani eiava henaohenao taudia, eiava kaivakuku tomadiho henia taudia do umui dadaraia momokani. Bema unai bamona umui karaia, anina be tanobada taudia do umui rakatania momokani.+
11 To hari umui lau tore henia, bema tadikaka ta be matabodaga tauna,* eiava mataganigani tauna,+ eiava kaivakuku tomadiho henia tauna, eiava hereva dika tauna, eiava kekero momo tauna,+ eiava koikoi dalanai kohu ia abia tauna,+ ia do umui bamoa lasi+ bona ia ida do umui aniani lasi danu.
12 Umui laloa kongrigeisen ai idia noho lasi taudia hahemaoro henia be egu gaukara, a? Umui ese kongrigeisen ai idia noho taudia umui hahemaoro henia be namo,
13 bona Dirava ese kongrigeisen ai idia noho lasi taudia ia hahemaoro henia, ani?+ Toretore Helagadia ia gwau: “Kara dika tauna be emui huana amo umui kokia.”+
