Hahemaoro Taudia 5:1-31
5 Unai dina ai, Debora+ bona Abinaomi ena natuna Baraki+ ese inai ane idia abia:+
2 “Iehova hanamoa!
Badina Israela taudia be mai edia ura ida tuari totona idia lao,+Badina idia ese edia gwauhamata idia hamomokania.*
3 Umui king taudia e, kamonai! Umui lohia taudia e, kamonai!
Iehova dekenai ane do lau abia.
Oibe, Iehova, Israela ena Dirava dekenai hanamoa anedia do lau abia.*+
4 Iehova e, Seiri oi rakatania neganai,+Oibe, Edoma tanona amo oi raka-lasi neganai,Tanobada be ia mareremarere, bona guba amo ranu bada ia diho,Oibe, ori amo ranu ia diho.
5 Ororo be Iehova ena vairanai idia veve,*+Sinai danu be Iehova, Israela ena Dirava, ena vairanai ia veve.+
6 Anata ena natuna Samiga ena mauri dinadia ai,+Iaele ena mauri dinadia ai,+ ta be dala badana dekenai ia raka lasi,Laolao taudia be dala maragidia idia badinaia.
7 Israela hanuadia ai ta ia noho lasi,Idia noho lasi ela bona lau, Debora,+ lau toreisi,Ela bona Israela ai, lau be sinana ta bamona lau toreisi.+
8 Idia ese dirava matamatadia idia abia hidi,+Bena siti edia geiti ta ta ai tuari ia vara.+
Israela ena tatau 40,000 huanai,Kesi eiava io ta idia itaia lasi.
9 Lauegu kudouna be Israela ena tuari biagudia ida,+Idia be sibodia edia ura dainai taunimanima ida idia lao.+
Iehova hanamoa!
10 Doniki braon ai umui guia taudia,Kapet namo hereana ai umui helai taudia,Bona dala ai umui raka taudia e,Inai umui laloa:
11 Ranu gabudia ai, animal totona ranu idia abia taudia edia gadona umui kamonai,Unuseniai Iehova ena kara maoromaoro idia herevalaia,Bona Israela hanuadia ai idia noho taudia edia kara maoromaoro danu.
Bena Iehova ena taunimanima be siti edia geiti ta ta dekenai idia diho lao.
12 Debora e, oi noga, oi noga!+
Oi noga, oi noga, bona ane oi abia!+
Baraki e, oi toreisi!+ Abinaomi ena natuna e, oi abia mauri taudia oi hakaua lao!
13 Bena idia do noho taudia be lohia taudia dekenai idia diho lao,Iehova ena taunimanima be lau dekenai idia diho mai, edia inai taudia tuari henia totona.
14 Koura ai idia noho taudia be Eparaima amo,Beniamina e, idia be oi idia badinaia noho emu taunimanima edia huana amo.
Makiri ena bese taudia+ amo tuari biagudia idia diho lao,Bona Sebuluno amo tuari totona taunimanima edia ladana idia torea taudia* idia lao danu.
15 Isakara amo idia mai lohia taudia be Debora ida,Isakara bona Baraki danu.+
Koura dekenai ia idia siaia lao.+
To Rubena ena iduhu taudia be idia lalorua noho.
16 Dahaka dainai oi be animal ta bamona, ena doruna dekenai kohu metauna ia huaia bona ia helai diho hegeregerena oi helai noho?
Dahaka dainai mamoe naria taudia ese idia gadaralaia fluti oi kamonai henia noho?+
Badina Rubena taudia be idia lalorua noho.
17 Gileada be Ioridane ena kahana ta dekenai ia do noho,+Bona dahaka dainai Dano be bouti ai ia noho?+
Asere be kone dekenai ia noho sibona,Bona ena wofu ai ia noho sibona.+
18 Sebuluno taudia be edia mauri idia laloa lasi, kahirakahira edia mauri idia haboioa,Napatali taudia danu+ be kahirakahira ororo ai idia mase.+
19 King taudia idia mai bona idia tuari.
Kanana ena king taudia be Tanaka ai idia tuari,+Megido ena ranu gabudia ai.+
Tuari amo siliva idia abia lao lasi.+
20 Hisiu be guba amo idia tuari,Oibe, guba amo Sisera idia tuari henia.
21 Kisona sinavai ese emui inai taudia ia huria oho,+Idaunega sinavai, Kisona sinavai unai.
Lau ese goada taudia lau halusia.
22 Bena hosi edia aena regena be badaEna tuari hosi be mai goada ida idia heau noho.+
23 Iehova ena aneru ia gwau, ‘Meroso ese dika do ia davaria,Oibe, unai tano taudia ese dika do idia davaria,Badina idia ese Iehova idia durua lasi,Oibe, Iehova ena tuari lalonai idia be goada taudia ida heduru idia henia lasi.’
24 Hahine edia huanai Iaele be hanamoa bada ia abia,+Ia be Kene tauna Hebere ena adavana,+Palai rumadia ai idia noho hahine edia huanai ia ese hanamoa bada ia abia.
25 Sisera be ranu totona ia noinoi. Iaele ese ia dekenai milika ia henia.
Hodu badana ta amo ia dekenai ia auka sisina milika ia henia.+
26 Iena imana amo palai ena ikoko ia abia,Iena imana idibana amo hama ia abia.
Bona Sisera ena kwarana ia kokoa,Oibe, ena kwarana ia gwadaia bona makohia.+
27 Bona ia be Iaele ena aena huanai ia moru bona ia marere lasi,Oibe, Iaele ena aena huanai ia moru,Ia moru gabuna ai ia mase.
28 Hahine ta be windo amo ia itaia noho,Sisera ena sinana be windo amo ia itaia noho bona ia henanadai,‘Dahaka dainai ena kariota be ia mai haraga lasi?
Dahaka dainai ena kariota idia veria hosi edia regena lau kamonai haraga lasi?’+
29 Iena dagi bada hahinedia huanai aonega hahine ese ia do ia haere henia,Oibe, ia danu be sibona dekenai ma do ia gwau,
30 ‘Idia be reana tuari amo idia abia gaudia idia haria noho,Kekeni ta, kekeni rua, be tuari taudia ta ta totona,Dabua kala namona be Sisera totona, oibe, dabua kala namona be iena,Idia turia dabua, dabua kala namona, idia turia dabua rua beDadidadi taudia edia aiona totona.’
31 Iehova e, emu inai taudia ibounai idia mase ore be namo,+To oi idia lalokau henia taudia be dina bamona idia diaridiari be namo.”
Bona tano be lagani 40 lalonai ia laga-ani.*+
Futnout
^ Heb., “edia huina idia rakatania,” unai be, edia gwauhamata ena toana.
^ Eiava “miusiki do lau karaia.”
^ Eiava reana, “mareremarere.”
^ Eiava reana, “rekodi torea tauna ena kohu huaia taudia.”
^ Eiava “ia maino.”
