Iesu be goevadae tauna, unai dainai momo ese idia mamia lalohisihisi bona lalohekwarahi ia mamia lasi. To taunimanima ia laloa bada. Idia durua totona hoa karadia ia karaia. Oibe, taunimanima ia hebogahisi henia dainai, unai ia karaia. Ia durudia daladia be Karoa 32, 37, 57, 99 ai oi duahia diba.

Mauri lagani idauidau taudia—matamata bona buruka—be Iesu kahirakahira idia lao, badina Iesu be sibona ia laloa bada lasi o ia laloa lasi ia be haida ia hereaia. Taunimanima be Iesu ena kara idia itaia dainai, idia gari lasi ia kahirakahira idia lao totona. Unai diba totona, Karoa 25, 27, 95 duahia.

Iesu be sibona o ma haida ida ia noho neganai, hanaihanai ena Tamana ia guriguri henia. Nega momo ia guriguri, aniani negana sibona ai lasi. Ia guriguri ena Tamana ia tanikiu henia, ia hanamoa, bona abia hidi badadia ia karaia gwauraia neganai ena heduru totona ia noinoi. Unai be Karoa 24, 34, 91, 122, 123 ai oi duahia diba.

Nega haida ia ura ia laga-ani, to unai ia karaia lasi badina ia ura ma haida ia durua. Sibona ia atoa guna lasi. Unai kara dekenai haheitalai namona ia hahedinaraia ita tohotohoa totona. Unai be Karoa 19, 41, 52 ai oi stadilaia diba.

Iesu be dika gwauatao karana sibona ia hadibaia lasi—ena hahediba taudia bona haida edia dika ia gwauatao danu. Karoa 26, 40, 64, 85, 131 ese unai ia hahedinaraia.

Baibel ia gwau Iuda taudia momo ese Mesia do idia dadaraia bona ena inai taudia ese do idia hamasea. Iesu be unai ia laloa lasi, to mai ena kudouna ibounai ida taunimanima ia durua. Bona ia gaukara goada tomadiho momokani ia hagoadaia totona. Iesu ena murinai idia raka taudia dekenai ia be haheitalai namona, badina idia harorolaia herevana be taunimanima ese do idia abia dae lasi eiava do idia dagedage henidia. Karoa 16, 72, 103 itaia.

Dala idauidau ai Iesu ese goevadae lasi taudia ia hereaia, hegeregere iena diba bona aonega be bada. Ia goevadae dainai ena tauanina ia goada bona ia laloa maoromaoro. To mai manau ida ma haida ia hesiai henia. Unai be Karoa 10, 62, 66, 94, 116 ai do oi itaia.

Iesu ena aposetolo bona ma haida ese ena haheitalai idia tohotohoa lasi eiava ena hereva idia badinaia lasi neganai, hanaihanai ia haheauka. Mai haheauka ida idia ia hadibaia loulou, unai amo Iehova kahirakahira idia lao diba. Iesu ena haheauka karana dibaia totona Karoa 74, 98, 118, 135 duahia.