Bema ita ura Iehova ita hamoalea, tau hereadaena ma ta ita kamonai henia be namo. Adamu ia do karaia lasi neganai, Iehova ese guba ai siahu bada aneruna ta ia karaia guna.

Gabeai, Iehova ese unai tauna ia siaia tanobada dekenai, bona Betelehema ai rami-hebou kekenina ta ladana, Maria ese ia havaraia. Unai beibi ena ladana be Iesu.​—⁠Ioane 6:38.

Tanobada ai, Iesu ese Dirava ena kara idauidau ia hahedinaraia goevagoeva. Iesu be mai ena hebogahisi, lalokau, bona taunimanima ese idia ura henia bada. Ia be mai gari lasi ida Iehova ena sivarai momokanina be haida dekenai ia hadibaia.

Danu, Iesu ese gorere taudia ia hanamoa bona mase taudia haida ia hatoredia isi.

Iesu ese dubu gunalaia taudia edia hahediba hereva koikoidia bona kara dikadia ia hahedinaraia dainai, idia ese Iesu idia badu henia.

Dubu gunalaia taudia ese Iesu idia samania koikoi, badina idia ura Roma taudia ese Iesu idia botaia bona hamasea.