Iesu be Dirava Ena Basileia Ena King.

Luka 1:31-33: “Iena ladana do oi hatoa Iesu. Ia be do ia hereadae bona ia do idia gwauraia Atai Momokani Diravana ena Natuna, bona Iehova Dirava ese ia dekenai ena tamana Davida ena terona do ia henia. Ia be Iakobo ena bese do ia lohiaia ela bona hanaihanai, bona ena Basileia be do ia doko lasi.”

Iesu ena haroro hereva badana be Basileia.

Mataio 9:35: “Iesu be taoni bona hanua ibounai dekenai ia lao, bona edia sinagoga lalonai ia hadibadia bona Basileia ena sivarai namona ia harorolaia. Bona taunimanima edia gorere idauidau ia hanamoa.”

Iesu ese ena hahediba taudia dekenai Basileia be edena negai do ia mai ena toa ta ia herevalaia.

Mataio 24:7: “Bese ta do ia toreisi bese ta do ia tuari henia, bona basileia ta ese basileia ta do ia tuari henia, bona gabu idauidau ai hitolo bada bona tano mareremarere do idia vara.”

Hari inai negai, Iesu ena hahediba taudia be tanobada hegegemadai dekenai Basileia idia harorolaia.

Mataio 24:14: “Basileia ena sivarai namona be tanobada ibounai dekenai do idia harorolaia, unai amo bese ibounai ese idia kamonaia diba, unai murinai dokona be do ia ginidae.”