Pou anpil moun, trete moun tout ras menm jan rete yon rèv.

•   “Tout kote sou tè a, prejije moun genyen akoz ras se yon pwazon ki lakòz gwo dega nan òganizasyon yo, gwoup sosyal yo ak lavi moun yo nan sosyete a an jeneral. Li kontinye lakòz moun pa trete tout moun menm jan.” — António Guterres, Sekretè jeneral Nasyonzini.

 Èske yon lè moun ap trete moun tout ras menm jan? Ki sa Bib la di?

 Bib la fè nou konnen fason Bondye wè moun tout kalite ras.

•   “[Bondye] sèvi ak yon sèl moun pou l fè moun tout nasyon, pou yo abite sou tout kò tè a.” — Travay 17:26.

•   “Bondye pa gen patipri. Nan tout nasyon, yon moun ki gen lakrentif pou li e k ap pratike sa ki jis, moun sa a fè l plezi.” — Travay 10:34, 35.

 Bib la fè konnen lèzòm fè pati yon sèl fanmi e moun tout ras ka fè Bondye plezi.

 Se Wayòm Bondye a, yon gouvènman ki nan syèl la, ki pral fè moun trete tout moun menm jan. Gouvènman sa a pral aprann moun yo fason pou byen trete lòt moun. Moun yo pral aprann fason pou yo debarase yo ak tout prejije konsènan ras.

•   “Se sa ki dwat moun ki abite nan peyi a ap aprann.” — Ezayi 26:9.

•   “Grasa bagay ki dwat toutbon moun yo ap fè, ap gen lapè. Grasa bagay ki dwat toutbon moun yo ap fè, ap gen kè poze ak sekirite nètale.” — Ezayi 32:17.

 Jounen jodi a, gen plizyè milyon moun k ap aprann sa Bib la di sou fason pou youn trete lòt avèk respè e avèk diyite.

•   Pou w aprann plis sou fason pou n trete moun san patipri, li Reveye n! ki gen tit: “Èske gen yon remèd pou prejije?”

•   Li atik “Fason w ka pale ak pitit ou sou kesyon rasis la” pou w ka aprann ki jan paran yo kapab pale sou kesyon sa a ak pitit yo.