Pwogram lekti Labib
Bib la bay pi bon konsèy ki genyen sou fason pou nou viv. Si w li l e w medite sou li, epi w aplike sa w aprann yo, “tout sa w ap fè ap reyisi”. (Jozye 1:8; Sòm 1:1-3.) Mete sou sa, w ap aprann konnen Bondye ak Jezi, Pitit Gason l lan, e konesans sa a ap pèmèt ou sove. — Jan 17:3.
Nan ki lòd ou ta dwe li Bib la? Gen plizyè fason w ka fè sa. Pwogram lekti Labib sa a kapab ede w li Bib la nan lòd li parèt la, oubyen li l pa sijè. Pa egzanp, ou ka chwazi kèk pòsyon pou w gen yon ide sou fason Bondye te aji ak pèp Izrayèl la nan tan lontan. Ou ka chwazi kèk lòt pòsyon pou w konnen kòman kongregasyon kretyen nan premye syèk la te fòme ak fason l te grandi. Si w li kèk chapit nan Bib la chak jou, w ap fin li l nan ennan.
Kit w ap chèche yon pwogram pou ede w li Bib la chak jou, oubyen yon pwogram pou ede w li l nan yon ane, oubyen yon pwogram pou ede w kòmanse li Bib la, pwogram lekti Labib sa a kapab ede w. Telechaje Pwogram lekti Labib ou ka enprime a epi kòmanse jodi a.
Lòt sijè ki enteresan
TOUDEGAD
Ki jan pou m kòmanse li Labib?
Senk konsèy k ap fè lekti Labib pi fasil pou ou e k ap fè w pran plis plezi ladan l.
TOUDEGAD
Èske w kite Bondye pale avè w chak jou?
Aprann ki byenfè yon moun ap jwenn lè l pran abitid li Labib chak jou.
KESYON JÈN YO KONN POZE
Ki jan Bib la kapab ede m? — 1ye Pati: Chèche konn Bib ou
Si w ta tonbe sou yon gwo bwat ki gen trezò ki la lontan, èske w pa t ap anvi konnen ki sa l gen anndan l? Bib la tankou yon bwat trezò konsa. Li gen anpil sajès ki kapab ede w.
