Sòm 116:1-19
116 Mwen renmen JewovaPaske li tande* vwa m. Li tande m lè m sipliye l pou m mande l sekou+.
2 Li panche zòrèy li* pou l koute m+.M ap kontinye rele l toutotan m ap viv*.
3 Kòd lanmò yo te sènen m,Tonm nan te met men l sou mwen*+.Mwen t ap soufri anpil e m te nan gwo lapenn+.
4 Men, mwen te envoke non Jewova+ e m te di l:“O Jewova, sove m*!”
5 Jewova gen konpasyon* e li jis+.Bondye nou an gen mizèrikòd+.
6 Jewova pwoteje moun ki manke eksperyans yo+.Mwen te desann byen ba, men li te sove m.
7 Se pou nanm* mwen rale yon souf yon lòt fwa ankò,Paske, Jewova byen aji avè m.
8 Ou delivre m* anba lanmò,Ou fè m sispann kriye e w pa kite pye m glise+.
9 M ap mache devan Jewova nan peyi moun vivan yo.
10 Mwen te gen lafwa nan Bondye, se sa k fè m te pale+.Mwen t ap soufri anpil.
11 Mwen te panike e m te di:“Tout moun se mantè+.”
12 Ki sa m ka bay JewovaPou tout byen li fè pou mwen?
13 M ap bwè nan gode a* pou m di l mèsi paske li te sove m,E m ap envoke non Jewova.
14 M ap respekte pwomès mwen te fè Jewova yoDevan tout pèp li a+.
15 Lanmò sèvitè fidèl Jewova yoSe yon bagay ki grav anpil* nan je l+.
16 O Jewova, mwen sipliye wPaske mwen se sèvitè w.Mwen se sèvitè w, pitit gason sèvant ou an.Ou libere m anba kòd ki te mare m yo+.
17 M ap ofri w sakrifis pou m di w mèsi+, o Jewova.M ap envoke non w.
18 M ap respekte pwomès mwen te fè Jewova yo+Devan tout pèp li a+,
19 Anndan lakou lakay Jewova a+,Nan mitan w, o Jerizalèm.Louwe Ja*+!
Nòt anba paj
^ Se kapab tou: “Mwen renmen paske Jewova tande”.
^ Oswa: “Li bese”.
^ Lit.: “rele l pandan jou m yo”.
^ Lit.: “Touman Cheyòl yo te jwenn mwen”.
^ Oswa: “sove nanm mwen”.
^ Oswa: “kè sansib”.
^ Gade Lis mo yo esplike yo.
^ Oswa: “delivre nanm mwen”.
^ Oswa: “M ap leve gode delivrans lan”.
^ Lit.: “ki presye”.
^ Oswa: “Alelouya”. “Ya” oswa “Ja” se non Jewova yon fason ki kout.
