Sòm 137:1-9
137 Nou te chita bò rivyè Babilòn yo+,Nou t ap kriye lè nou te sonje Siyon+.
2 Nou te pandye hap* nou+Nan pye pepliye li* yo.
3 Pandan nou te la a, moun ki te pran nou kòm prizonye yo te mande nou chante yon chante pou yo+,Moun ki t ap pase nou nan rizib yo te vle nou chante pou nou amize yo, yo te di:“Chante youn nan chante Siyon yo pou nou.”
4 Ki jan pou n ta fè chante yon chante konsènan JewovaNan yon peyi etranje?
5 Si m ta bliye w, o Jerizalèm,Se pou men dwat mwen pa itil mwen anyen ankò*+.
6 Se pou lang mwen kole anndan bouch mwenSi m ta bliye w, o Jerizalèm,Si m pa ta konsidere wKòm pi gwo rezon m genyen pou m rejwi+.
7 O Jewova, sonjeSa moun Edòm yo te di lè Jerizalèm te tonbe a. Yo te di:“Kraze l lage atè! Kraze l rive jis nan fondasyon l+!”
8 Ou menm vil Babilòn, ki pa ret lontan anvan yo detwi w+,Se pa ti kontan sila a k ap fè w peyePou move tretman ou te fè nou sibi yo ap kontan+,
9 Se pa ti kontan sila a k ap pran pitit ou yoE k ap frape yo sou wòch yo ap kontan+!
Nòt anba paj
^ Gade Lis mo yo esplike yo.
^ Anpalan de Babilòn.
^ Se kapab tou: “Se pou men dwat mwen seche”.
